આજે બિહાર વિધાનસભા ચૂંટણીની મતગણતરી કરવામાં આવી રહી છે. જેમાં NDA 203 બેઠકો પર આગળ ચાલી રહ્યું છે. જ્યારે મહા ગઠબંધન માત્ર 32 બેઠકો પર જ લીડમાં છે. આવામાં ભારતીય જનતા પાર્ટીના કાર્યકર્તાઓ દ્વારા અત્યારથી જ જીતનો જશ્ન મનાવવામાં આવી રહ્યો છે. સુરત ભાજપ કાર્યલય બહાર ભાજપના કાર્યકર્તાઓ દ્વારા ફટાકડા ફોડી ઢોલ નગારા વગાડીને ઉજવણી કરવામાં આવી હતી.
સુરત ભાજપ કાર્યાલય બહાર ઉજવણી
બિહાર ચૂંટણીમાં NDAને સ્પષ્ટ બહુમત મળે તેવી શક્યતા છે. કારણ કે, બપોરે ત્રણ વાગ્યાના વલણો અનુસાર, NDA હાલ 203 બેઠકો પર આગળ ચાલી રહ્યું છે. જે કારણે ભારતીય જનતા પાર્ટીના કાર્યકરોમાં ભારે ઉત્સાહ જોવા મળી રહ્યો છે. આ વચ્ચે સુરત ભાજપ કાર્યાલય બહાર ઢોલ નગારા સાથે ઉજવણી કરવામાં આવી હતી.
