Surat News: પોલીસ હેડક્વાર્ટરની પાછળ પીપીઇ કીટ-મેડિકલ વેસ્ટ ફેંકવા અંગે તપાસ શરુ

સુરતમાં પોલીસ હેડક્વાર્ટરની પાછળ મોટી માત્રામાં પીપીઇ કીટ અને મેડિકલ વેસ્ટ ફેંકવા અંગે ફરિયાદ થઇ હતી. જેમાં હવે તપાસ શરુ કરવામાં આવી છે. આરોગ્ય વિભાગના અધિકારીઓ સ્થળ ઉપર પહોંચ્યા હતા. જ્યાં તેઓએ આ અંગે કાર્યવાહી શરુ કરી હતી. પીપીઇ કીટ અને મેડિકલ વેસ્ટમાં કોઇ બીલ મળશે તો તેની સામે કાર્યવાહી કરવામાં આવશે. પીપીઇ કીટ અને મેડિકલ વેસ્ટની ગંભીરતા ન સમજનાર સામે કાયદેસરની કાર્યવાહી કરવામાં આવશે.

આરોગ્યના અધિકારીઓ ઘટનાસ્થળે પહોંચ્યા

સુરત તેની સ્વચ્છતા અને સુંદરતા માટે જાણીતું છે. ત્યારે પોલીસ હેડક્વાર્ટર પાછળ જોવા મળતી ગંદકી અલગ જ દ્રશ્યો ઉભા કરી રહી છે. આ ગંદકી સુરતની સ્વચ્છતા પર પ્રશ્ન ઉભા કરે છે. સુરતમાં પોલીસ હેડક્વાર્ટરની પાછળ મોટી માત્રામાં પીપીઇ કીટ અને મેડિકલ વેસ્ટ ફેંકવામાં આવ્યો છે. આ કોણ ફેંકી જાય છે. તે અંગે હવે તપાસ શરુ કરાઇ છે. પોલીસ હેડક્વાર્ટરની પાછળ જો આવુ થતુ હોય તો સુરતના અન્ય સ્થળો પર કેવો નજારો હશે તેનો માત્ર અંદાજો જ લગાવી શકાય છે.

કાયદેસરની કરાશેકાર્યવાહી

PPE કીટ, મેડિકલ વેસ્ટ ફેંકવા મુદ્દે તપાસ શરુ કરવામાં આવી છે. આરોગ્ય વિભાગના અધિકારીઓ અહીં આવ્યા હતા. અને PPE કીટ, મેડિકલ વેસ્ટમાંથી બીલ શોધવાની કામગીરી હાથ ધરી હતી. જો કોઇ બીલ કે ચિઠ્ઠી અથવા એવો કોઇ પુરાવો હાથ લાગશે કે જેનાથી માલૂમ પડી શકે કે આ કચરો કોણે ફેંક્યો છે તો તેની સામે કાયદેસરની કાર્યવાહી કરવામાં આવશે. પોલીસે પણ આ મામલે સતર્કતા દાખવી છે.