પોલીસ મહાનિદેશક, ગુજરાત રાજ્ય, ગાંધીનગર દ્વારા 17 નવેમ્બર, 2025ના રોજ એક સૂચના જારી કરવામાં આવી હતી. આ સૂચના મુજબ, છેલ્લા 30 વર્ષમાં હથિયાર ધારા, એન.ડી.પી.એસ. એક્ટ, એક્સપ્લોઝિવ એક્ટ, બનાવટી ચલણી નોટો, ટાડા, પોટા, મકોકા, યુ.એ.પી.એ. અને પેટ્રોલિયમ ધારા જેવા વિવિધ કાયદા હેઠળ પકડાયેલા આરોપીઓની તપાસ કરવાની હતી.તેમનો ઉદ્દેશ્ય તેમની વર્તમાન પ્રવૃત્તિઓ ચકાસીને પરિવાર, મિત્રો, સંબંધીઓ, મિલકતો અને સંપર્કો જેવી માહિતી એકત્રિત કરીને ડોઝિયર્સ તૈયાર કરવાનો હતો.
જેલની પ્રવૃત્તિઓ પર નજર રાખવામાં આવી રહી છે
સુરેન્દ્રનગર જિલ્લા પોલીસ અધિક્ષક પ્રેમસુખ ડેલૂ (IPS) એ આ માટે 75થી વધુ પોલીસ અધિકારી/કર્મચારીઓની ટીમો બનાવી હતી. જિલ્લાના 20 પોલીસ સ્ટેશન, SOG, LCB અને પેરોલ સહિત કુલ 70 ટીમો દ્વારા ઉપરોક્ત ગુનાઓના 1193થી વધુ આરોપીઓની યાદી તૈયાર કરવામાં આવી હતી.આ ટીમો દ્વારા અલગ-અલગ સ્થળોએ કોમ્બિંગ હાથ ધરીને 100 કલાકની કામગીરી દરમિયાન 807થી વધુ આરોપીઓને શોધી કાઢવામાં આવ્યા અને તેમનું વેરિફિકેશન કરવામાં આવ્યું. તપાસ દરમિયાન, 31 આરોપીઓ હાલમાં જેલમાં હોવાનું જણાયું હતું, જેમની જેલની પ્રવૃત્તિઓ પર નજર રાખવામાં આવી રહી છે.
