Tapiમાં સગીરા પર દુષ્કર્મ કેસમાં સેશન્સ કોર્ટે આરોપીને 25 વર્ષની કેદ અને 5 હજારનો દંડ ફટકાર્યો

તાપીમાં સગીરા પર દુષ્કર્મ કેસમાં આરોપીને કોર્ટ દ્વારા સજા કરવમાં આવી છે. તાપીમાં સગીરા પર દુષ્કર્મ આચરનારને 25 વર્ષની સજા ફટકારવામાં આવી છે. આરોપીએ સ્કૂલ ફીના બદલામાં સગીરા પર દુષ્કર્મ આચર્યું હતું. વારંવાર દુષ્કર્મ આચરતા સગીરા ગર્ભવતી બની હતી. સગીરાએ બાળકને જન્મ આપતા ભાંડો ફૂટ્યો હતો. આરોપી રાકેશ ધોબીને તાપી સેશન્સ કોર્ટે 25 વર્ષની સજા, 5 હજારનો દંડ કરવામાં આવ્યો છે.

તાપીમાં સગીરા પર દુષ્કર્મ કેસ

તાપીમાં વર્ષ 2023ના ઓગસ્ટના રોજ નિઝર પોલીસમાં દુષ્કર્મની ફરિયાદ કરવામાં આવી હતી. સાડા સત્તર વર્ષની સગીરાને સ્કૂલ ફીના 2 હજાર આપી બદલામાં દુષ્કર્મ આચરવામાં આવ્યું હતું. સગીરા પર 35 વર્ષીય રાકેશ રાધેશ્યામ ધોબીએ દુષ્કર્મ કર્યું હતું. નરાધમ રાકેશ ધોબીએ સગીરા સાથે વારંવાર દુષ્કર્મ આચરતા સગીરાને ગર્ભ રહી ગયો હતો. સગીરાએ બાળકને જન્મ આપતા ભાંડો ફૂટ્યો હતો.

આરોપીને 25 વર્ષની સજા

આ કેસમાં જિલ્લા સેશન્સ કોર્ટમાં સગીરાની જબાની અને સગીરાએ જન્મ આપેલ બાળકનું ડીએનએ પરીક્ષણમાં રાકેશ ધોબી જ બાળકનો બાયોલોજીકલ પિતા હોવાનું સાબિત થયું હતું. જિલ્લા સરકારી વકીલ સમીર પંચોલીની ધારદાર દલીલોના આધારે આરોપીને કોર્ટ દ્વારા સજા ફટકારવામાં આવી છે. આરોપી રાકેશ રાધેશ્યામ ધોબીને 25 વર્ષની સખત કેદની સજા અને 5 હજારનો દંડ ફટકારવામાં આવ્યો છે.