બનાસકાંઠા જિલ્લાના થરાદ તાલુકાના વાડિયા ગામમાં પૈસાની લેતીદેતીને લઈને એક જ કોમના બે જૂથો વચ્ચે ગંભીર અથડામણ થઈ છે. આ અથડામણમાં મહિલા સહિત કુલ 7 લોકો ગંભીર રીતે ઇજાગ્રસ્ત થયા છે. ઘટનાનો વીડિયો સોશિયલ મીડિયા પર વાયરલ થયો છે. જેના કારણે સમગ્ર પંથકમાં ચર્ચાનો વિષય બન્યો છે.


પૈસાની લેતીદેતીમાં લાકડીઓ અને પથ્થરથી હુમલો

બંને જૂથો વચ્ચે ઘણા સમયથી પૈસાની લેતીદેતીને લઈને વિવાદ ચાલી રહ્યો હતો. આ વિવાદે ઉગ્ર સ્વરૂપ ધારણ કરતાં બંને પક્ષોએ સામસામે લાકડીઓ અને પથ્થરો વડે હુમલો કર્યો હતો. આ હુમલામાં મહિલાઓ સહિત સાત લોકો ઘાયલ થયા હતા. ઘટનાની જાણ થતાં જ થરાદ પોલીસનો મોટો કાફલો તાત્કાલિક ઘટનાસ્થળે દોડી આવ્યો હતો.

Also Read

થરાદ પોલીસે ઘટનાસ્થળે પહોંચી તપાસ શરૂ કરી

પોલીસે પરિસ્થિતિને કાબૂમાં લીધી હતી અને ઇજાગ્રસ્તોને તાત્કાલિક સારવાર માટે સરકારી હોસ્પિટલમાં ખસેડવામાં આવ્યા હતા. બંને જૂથના લોકોએ પોલીસ સ્ટેશનમાં એકબીજા સામે ફરિયાદ નોંધાવી છે. પોલીસે આ મામલે કડક કાર્યવાહી હાથ ધરી છે અને આરોપીઓની ધરપકડ કરવા માટે તપાસ શરૂ કરી છે.


  • Follow us on: