વડોદરામાં ફરી માર્ગ અકસ્માતની હચમચાવતી ઘટના સામે આવી છે. હાઈવે પર પૂરપાટવેગે જતી કાર શ્રમજીવી લોકો માટે યમરાજ બની. હાઈવે પર ગમખ્વાર અકસ્માત સર્જાયો. આ અકસ્માતમાં પસાર થતી કાર શ્રમજીવી પર ફરી વળી. માર્ગ અકસ્માતમાં બે લોકોના ઘટનાસ્થળે જ મોત નિપજયા. અકસ્માતની ઘટનાના સમાચાર સામે આવતા જ પોલીસની ટીમ ઘટનાસ્થળ પર પહોંચી ગઈ. અકસ્માતનો શિકાર થયેલા શ્રમજીવી પરપ્રાંતિય હોવાનું સામે આવ્યું.
પૂરપાટ ઝડપે આવતી કારે 5 લોકોને લીધા અડફેટે
પ્રાપ્ત માહિતી મુજબ વડોદરામાં દિલ્હી મુંબઈ ભારતમાલા એક્સપ્રેસ હાઈવે પર ગોઝારો અકસ્માત સર્જાયો. આ અકસ્માત ત્યારે બન્યો જયારે એક્સપ્રેસ હાઈવે પર શ્રમજીવી રીપેરીંગનું કામ કરતા હતા. આ કામગીરી દરમિયાન અચાનક જ એક કાર પૂરપાટવેગે આવી અને રીપેરીંગ કામ કરતા 5 શ્રમજીવીને અટફેટે લીધા. રીપેરીંગ કરી રહેલા શ્રમજીવીઓ પર કાર ફરી વળી અને બે શ્રમજીવીઓનું ઘટનાસ્થળે કમકમાટીભર્યું મોત થયું.
