વડોદરા મહાનગરપાલિકાની સામાન્ય સભામાં કેન્દ્ર સરકાર દ્વારા GSTના દરોમાં ઘટાડો કરવાના પ્રસ્તાવ પર ભારે હોબાળો થયો હતો. આભાર પ્રસ્તાવ રજૂ કરતી વખતે વિપક્ષના સભ્યોએ મેયર પિંકીબેન સોની પર અભિનંદન પ્રસ્તાવના કાગળો ફાડીને ફેંક્યા હતા. જેના કારણે સભામાં તણાવપૂર્ણ વાતાવરણ સર્જાયું હતું. મેયર પિંકીબેન સોનીએ વડાપ્રધાન દ્વારા GSTના દરો ઘટાડવા બદલ આભાર પ્રસ્તાવ રજૂ કર્યો હતો.
વિપક્ષે મેયર પર અભિનંદન પ્રસ્તાવના કાગળ ફેંક્યા
આ પ્રસ્તાવ રજૂ થતાં જ વિપક્ષના કાઉન્સિલરોએ જોરદાર વિરોધ શરૂ કર્યો હતો અને સૂત્રોચ્ચાર સાથે બુમાબુમ કરી હતી. વિરોધ ઉગ્ર બનતા વિપક્ષી સભ્યો વેલમાં ધસી આવ્યા હતા અને આભાર પ્રસ્તાવના કાગળો ફાડીને મેયર તરફ ફેંક્યા હતા. આ ઘટનાને કારણે સભામાં અરાજકતાનો માહોલ સર્જાયો હતો. આ સમગ્ર ઘટના અંગે મેયર પિંકીબેન સોનીએ પ્રતિક્રિયા આપતા જણાવ્યું હતું કે વિપક્ષી કાઉન્સિલરો વેલમાં ધસી આવ્યા હતા.
