Vadodara : શિક્ષણ સમિતિના કર્મચારીઓના પગાર માટે વલખા , કોર્પોરેશનના પેટનું પાણી હલતું નથી

વડોદરાના શિક્ષણ સમિતિના કર્મચારીઓ પગાર માટે વલખા મારી રહ્યા છે પણ કોર્પોરેશનના પેટનું પાણી હલતું નથી શિક્ષણ સમિતીના વર્ગ-4ના કર્મીઓને સમયસર પગાર ન મળતા ભારે રોષ જોવા મળી રહ્યો છે. આજે સ્વતંત્રતા દિવસ છે પણ વર્ગ 4 ના આ કર્મચારીઓને પગારથી પણ વંચિત રહેવું પડ્યું છે. આ મુદ્દે કર્મચારીઓએ પોતાની આપવીતી જણાવી હતી.

દર મહિને કર્મચારીઓના પગારમાં વિલંબ

કર્મચારી મંડળના પ્રમુખ નિલેશ રાજે આરોપ લગાવ્યો હતો કે દર મહિને કર્મચારીઓના પગારમાં વિલંબ થાય છે તો કોન્ટ્રાક્ટ કર્મચારીઓને પણ પગાર મોડો અપાય છે.

વર્ગ 4ના કર્મચારીઓ હડતાળ પર ઉતર્યા હતા

ઉલ્લેખનિય છે કે અગાઉ શિક્ષણ સમિતીના વર્ગ 4ના કર્મચારીઓ હડતાળ પર ઉતર્યા હતા . વર્ગ 4ના આ કર્મચારીઓએ પોતાને કાયમી કરવાની માગ સાથે હડતાળ શરુ કરી હતી. કર્મચારી આગેવાનોએ આ મામલે મ્યુનિ.કમિશનરને પણ રજૂઆત કરી હતી. મ્યુનિ.કમિશનરે તે વખતે કર્મચારીઓને આશ્વાસન આપીને કહેલું કે આ મુદ્દે સ્થાયી સમિતીમાં દરખાસ્ત પણ લવાશે.

બિલ મંજૂર થતા તમામને પગાર ચૂકવી દેવાશે

બીજી તરફ શિક્ષણ સમિતીના શાસનાધીકારી ડો.વિપુલ ભરતીયાને આ મામલે પુછવામાં આવતાં તેમણે કહ્યું હતું કે કોર્પોરેશનમાં બિલ પેન્ડિગ પડેલું છે અને બિલ મંજૂર થશે ત્યારે તમામને પગાર ચુકવી દેવાશે