સંસ્કારી નગરી વડોદરામાં બે મિત્રોના આપઘાતની ઘટનાએ શહેરમાં ભારે ચકચાર મચાવી દીધી છે. શરૂઆતમાં આ મામલો બિહારમાં રહેતા એક મિત્રના વિરહમાં બે મિત્રોએ જીવન ટૂંકાવ્યું હોવાનો લાગતો હતો, પરંતુ પોલીસની પ્રાથમિક તપાસમાં હવે અત્યંત ચોંકાવનારી અને રહસ્યમય વિગતો બહાર આવી રહી છે. બિહારમાં રહેતા રોહિત નામના યુવકે આપઘાત કરી લીધા બાદ, તેના વિરહમાં વડોદરામાં રહેતા તેના બાળપણના બે મિત્રો રવિ અને વિકાસે પણ ગળે ફાંસો ખાઈ આત્મહત્યા કરી લીધી હતી. જોકે, આ ત્રણેય મિત્રોના મોતના તાર કોઈ ઊંડા રહસ્ય તરફ ઈશારો કરી રહ્યા છે.
રવિના મોબાઈલ ફોનમાંથી કેટલીક અત્યંત શંકાસ્પદ ચેટ મળી
પોલીસ તપાસ દરમિયાન મૃતક રવિના મોબાઈલ ફોનમાંથી કેટલીક અત્યંત શંકાસ્પદ ચેટ અને મોટા પાયે નાણાકીય લેવડદેવડના પુરાવા મળી આવ્યા છે. આ કેસમાં કૌટુંબિક અને વ્યક્તિગત સ્તરે પણ ચોંકાવનારો ખુલાસો થયો છે કે મૃતક રવિ ઘણીવાર તેની પત્નીને બેડરૂમમાંથી બહાર કાઢી મૂકતો હતો.
