વડોદરાની લિટલ ફ્લાવર સ્કૂલમાં બે દિવસ અગાઉ વિદ્યાર્થીઓ વચ્ચે મારામારી થતા મામલો પોલીસ સુધી પહોંચ્યો હતો અને આ કેસમાં સ્કૂલને શો કોઝ નોટિસ ફટકારાઈ છે, વડોદરાના ડીઈઓએ પાઠવી શો કોઝ નોટિસ અને મારામારીની ઘટનામાં ગંભીરતા ન દાખવતા નોટિસ ફટકારાઈ છે અને કાયદેસર કાર્યવાહી કેમ ન કરવી તેના ખુલાસા સાથે રૂબરૂ હાજર થવા ફરમાન કરવામાં આવ્યું છે, સ્કૂલના આચાર્યને આ બાબતે ડીઈઓ તરફથી ઠપકો પણ મળી શકે છે.
ખંડેરાવ માર્કેટ નજીક આવી છે લિટલ ફલાવર સ્કૂલ
વડોદરાના ખંડેરાવ માર્કેટ નજીક લિટલ ફલાવર સ્કૂલ આવેલી છે જેમાં વિધાર્થીઓ વચ્ચે મારામારીની ઘટના બની છે, ધોરણ 9માં ભણાતા વિધાર્થીથી ધોરણ 11માં ભણતા વિધાર્થીને ધક્કો વાગ્યો હતો અને બન્ને વિધાર્થીઓ વચ્ચે બોલાચાલી બાદ મારામારી થઈ હતી, આ ઘટનામાં ધોરણ 11માં ભણતા વિધાર્થીને દાંતના ભાગે ઈજા પણ પહોંચી હતી અને સ્કૂલના દાદર પરથી આ બબાલની શરૂઆત થઈ હતી, ત્યારે સ્કૂલ સ્ટાફે મામલો થાળે પાડયો હતો અને પોલીસને જાણ કરી હતી.
