વડોદરા ST ડેપોમાં રખડતા શ્વાનનો ત્રાસ જોવા મળી રહ્યો છે. બસ ડેપોમાં હજારો લોકો મુસાફરી કરવા માટે આવતા હોય છે ત્યારે શ્વાનના વધતા ત્રાસના લીધે મુસાફરો હેરાન થઈ રહ્યા છે. જે બાબતે ડેપોના સિક્યુરિટી સ્ટાફ દ્વારા પાલિકામાં રજૂઆત કરવામાં આવી હતી. મુસાફરોએ કોઈ મુશ્કેલીનો સામનો કરવો પડે નહી તે માટે પાલિકા દ્વારા ડોગ કેચરની સુવિધા કરવામાં આવે તેવી માંગ કરવામાં આવી છે.


ST ડેપોમાં શ્વાનનો ત્રાસ

વડોદરા એસટી ડેપોમાં રખડતા શ્વાનનો ત્રાસ દિવસેને દિવસે વધી રહ્યો છે. ડેપોના સિક્યુરિટી સ્ટાફે પાલિકામાં રજુઆત કરી છે કે, મોટી સંખ્યામાં મુસાફરો ડેપોમાં આવે છે, બાળકો હાથમાં ભોજન લઇ ચાલતા હોય છે ત્યારે જો શ્વાન પાછળ દોડે કે પછી કરડી જાય તો મુશ્કેલી થઈ શકે છે. આ ડેપોમાં રખડતા શ્વાન ઘણી વાર ડેપામાં લોકોને બેસવાના બાકડા ઉપર બેસી જાય છે તો ક્યારેક એટીએમમાં ઘૂસીને ઠંડી હવાની મજા માણી આરામ ફરમાવી રહ્યો હોય તેવું જોવા મળે છે.

Also Read

સુરક્ષા સ્ટાફે પાલિકાને રજૂઆત કરી

સિક્યુરિટી ચીફ રાજીવ દુબેએ વધુમાં જણાવ્યુ હતું કે, રક્ષાબંધન સહીતના તહેવારોમાં મોટી સંખ્યામાં મુસાફરો ડેપોમાં આવે છે. તો આ શ્વાન મુસાફરોને કરડે નહી તે માટે પાલિકાએ યોગ્ય પગલાં લેવા જોઈએ. પાલિકા દ્વારા ડોગ કેચરની સુવિધા કરવામાં આવે તેવી તેમણે માંગ કરી હતી.


  • Follow us on: