વડોદરાના વાઘોડિયામાં આવેલા તળાવમાં યુવકનું ડૂબી જવાથી મોત થયુ છે. નવીન GIDCમાં આવેલ તળાવમાં આ ઘટના બની છે. મૃતક યુવકનું નામ પ્રતિક પટેલ હોવાનું સામે આવ્યુ છે. વાઘોડિયા પોલીસે આ મામલે વધુ તપાસ હાથ ધરી છે. પ્રતિકનો મૃતદેહ તળાવમાંથી બહાર કાઢવામાં આવ્યો છે. અને તેને હૉસ્પિટલ ખસેડાયો છે. બનેવી પ્રતીક પટેલ અને તેમના સાળા રવિન્દ્ર વસાવા તળાવ પાસે બેઠા હતા. આ દરમિયાન તેઓ ન્હાવા માટે તળાવમાં પડ્યા હતા. જે દરમિયાન આ ઘટના બની હતી.


યુવક ડૂબતા શોકનો માહોલ

એક તરફ, વરસાદે સમગ્ર રાજ્યમાં કહેર વરસાવ્યો છે. તો બીજી તરફ, યુવકના મોતે વડોદરામાં ચર્ચા જગાવી છે. વાઘોડિયાની નવીન GIDCમાં આવેલા તળાવમાં યુવક ન્હાવા પડ્યાં હતા. આ યુવક બનેવી અને સાળાનો સંબંધ ધરાવતા હતા. તળાવમાં ન્હાવા પડ્યા બાદ એક યુવકનું મોત નિપજ્યુ હતુ. આ મોત માટેનું કારણ અકબંધ છે. ઘટનાની જાણ થતા ફાયર ફાઇટરો ઘટનાસ્થળે આવી પહોંચ્યા હતા. અને મૃતકને તળાવમાંથી બહાર કાઢવા માટે પ્રયત્નો હાથ ધર્યા હતા. જે બાદ મૃતદેહને બહાર કાઢવામાં આવ્યો હતો. અને પોલીસને જાણ કરવામાં આવી હતી. પોલીસે મૃતદેહને હૉસ્પિટલમાં ખસેડ્યો હતો. અને આગળની કાર્યવાહી હાથ ધરી હતી.

Also Read

પોલીસ તપાસ શરુ કરાઇ

વડોદરાના વાઘોડિયામાં આવેલી જીઆઇડીસીના તળાવમાં બનેલી ઘટનાએ સૌ કોઇને આશ્ચર્યચકિત કર્યા છે. વરસાદી માહોલમાં પાણીની સપાટીમાં વધારો નોંધાતો હોય છે. ત્યારે તળાવ, નદી, જળાશયો અને ડેમથી દૂર રહેવું જ હિતાવહ હોય છે. જો આ તકેદારી રાખવામાં આવે તો જીવ બચાવવું સરળ થઇ જાય છે. 

  • Follow us on: