Valsad: ડુંગરી નજીક હોટેલમાં ચોરીનું રેકેટ ઝડપાયું, પોલીસે મુદ્દામાલ કબ્જે કર્યો

વલસાડમાં ડીઝલ ચોરીનું રેકેટ ઝડપાયું છે. ડુંગરી નજીક શિવશક્તિ હોટેલમાં રેકેટ ચાલતું હતું. ગેરકાયદે ડિઝલ-કેમિકલનો જથ્થો ઝડપાયો છે. વાહનોમાંથી કાઢી ડિઝલ-કેમિકલ વેચવાનું રેકેટ ઝડપાયું છે. ડુંગરી પોલીસ મુદ્દમાલ જપ્ત કરી તપાસ હાથ ધરી છે. પોલીસ ઘટનાસ્થળે પહોંચે તે પહેલા આરોપીઓ ફરાર થયા છે.

વલસાડમાં ડીઝલ ચોરીનું રેકેટ ઝડપાયું 

વલસાડના ડુંગરી નજીક હોટેલ પર ચાલતું ડીઝલ ચોરીનું રેકેટ ઝડપાયું છે. ડુંગરી નજીક આવેલ શિવ શક્તિ હોટલ પાસે ગેરકાયદેસર ડીઝલ-કેમિકલનો જથ્થો ઝડપાયો છે. ગેરકાયદેસર રીતે ચાલતા મિક્સ ડીઝલ અને કેમિકલનો મોટો જથ્થો ઝડપાયો છે. પોલીસે લાખો રૂપિયાનો મુદ્દામાલનો કબ્જો મેળવી આરોપીઓની શોધખોળ હાથ ધરી છે.

હોટલના પાર્કિંગમાં ચાલતું  ડીઝલ ચોરીનું રેકેટ 

હોટલના પાર્કિંગમાં પાર્ક કરેલા ડીઝલ અને કેમિકલ વાહનોમાંથી કાઢીને વેચવાનું રેકેટ ચાલતું હતું. સ્થાનિક લોકો અને પોલીસ સ્થળ પર પહોંચેતે પહેલા આરોપીઓ ફરાર થઇ ગયા હતા.હાલ ડુંગરી પોલીસે મુદ્દમાલ જપ્ત કરી વધુ તપાસ હાથ ધરી છે. પોલીસે અલગ અલગ ટીમો બનાવી આરોપીઓને ઝડપી લેવા ચક્રોગતિમાન કર્યા છે.