વેરાવળ શહેરના પોશ વિસ્તાર ગણાતા મોદીની વાડી ગંગાનગર વિસ્તારમાં એક રહેણાંક મકાનમાં ચાલતી અનૈતિક પ્રવૃત્તિઓનો સ્થાનિકોએ પર્દાફાશ કર્યો છે. નાગરિકોએ જાતે જ જનતા રેડ પાડીને આ મામલો પોલીસ સમક્ષ લાવતાં ભારે ચકચાર મચી છે. આ વિસ્તારમાં છેલ્લા ઘણા સમયથી આવી શંકાસ્પદ પ્રવૃત્તિઓ ચાલતી હતી.
રહેણાંક મકાનમાં અનૈતિક પ્રવૃત્તિનો લોકોનો આરોપ
આ અંગેની જાણ થતાં એક સપ્તાહ પહેલાં જ સ્થાનિકોએ પોલીસને લેખિત અરજી પણ આપી હતી. પરંતુ કોઈ કાર્યવાહી ન થતાં આજે લોકોએ જાતે જ પગલાં ભરવાનું નક્કી કર્યું. તેમણે શંકાસ્પદ મકાન પર જનતા રેડ કરી અને ત્યાંથી દ્વારકાની એક યુવતી અને એક કથિત દલાલને ઝડપી પાડ્યો. આ ઘટના બાદ લોકોએ પોલીસને જાણ કરવાનો પ્રયાસ કર્યો હતો. સ્થાનિકોએ આક્ષેપ કર્યો છે કે તેમણે સાત વાર ફોન કર્યા બાદ પોલીસ ઘટનાસ્થળે પહોંચી હતી.
