Rajkot: ક્રિકેટ સટ્ટાના કમિશન મુદ્દે યુવાન પર હુમલો, 3 આરોપીઓ સામે ફરિયાદ

રાજકોટમાં મારામારી અને ઝઘડાના બનાવો ખૂબ જ વધી ગયા છે. ત્યારે રાજકોટમાં ક્રિકેટ સટ્ટાના કમિશન બાબતે મારામારીની ઘટના સામે આવી હતી. ઘટનાના CCTV સામે આવ્યા હતા. ક્રિકેટના સટ્ટા બાબતે બે શખ્સોએ એક યુવાન પર તલવાર વડે હુમલો કર્યો હતો. તો મારી નાખવાના ઈરાદે યુવાન પર કાર ચડાવી દેવાનો પ્રયાસ પણ કરવામાં આવ્યો હતો.જે મામલે યુવાને પોલીસ સ્ટેશનમાં 3 આરોપીઓ સામે ગુનો નોંધાવ્યો હતો.

રાજકોટમાં કાયદો વ્યવસ્થા કથળી ગઈ

રાજકોટ સહિત સમગ્ર ગુજરાતમાં મારામારી, ઝઘડા, હત્યા જેવા ગુનાઓમાં ખૂબ જ વધારો થયો છે. અસામાજિક તત્વો દ્વારા આવા ગુનાઓ આચરવામાં આવતા હોય છે. જેનો ભોગ સામાન્ય લોકો બનતા હોય છે. અંગત અદાવતમાં એક ગેંગ બીજી ગેંગને ટાર્ગેટ કરીને ગેંગવોર જેવા ગુનાઓ શહેરમાં થયેલા છે.જેના લીધે શહેરમાં કાયદો વ્યવસ્થા ખૂબ જ કથળી ગઈ છે. રાજકોટમાં આવા અસામાજિક તત્વો જાણે બેફામ બન્યા હોય તેમ લાગી રહ્યું છે. કાયદાથી પોતાને ઉપર માનીને ગુના આચરતા આ આરોપીઓ સામે પોલીસે યોગ્ય કાર્યવાહી કરવાની જરુરિયાત છે.

રાજકોટમાં હુમલાની ઘટના

તાજેતરમાં પણ રાજકોટમાં આવા ઘણા ગુનાઓ બનેલા છે. તાજેતરમાં જ રાજકોટના જંગલેશ્વરમાં બુટલેગર દ્વારા તેના સાસરિયાઓ પર હિચકારો હુમલો કરવામાં આવ્યો હતો.અડધી રાત્રે ધારિયા અને તલવારો વડે જાહેરમાં હુમલો કરવામાં આવતા તંગદિલીનો માહોલ સર્જાયો હતો. તો રાજકોટમાં જ એક અન્ય ઘટના જેમાં ચોરી કરનારા તસ્કરોએ વૃદ્ધ દંપતી પર હુમલો કરી દીધો હતો.નજીવી સામાન્ય બાબતે લોકોને હેરાન કરતા આવા તત્ત્વો બેફામ બને તે પહેલા તેમને જેલભેગા કરી દેવાની લોકમાંગ રહેતી હોય છે.