રાજકોટમાં પ્રથમ વખત સ્માર્ટ પ્રીપેડ મીટર લગાવ્યું,એનર્જી સેવિગને મોટો ફાયદો

• સ્માર્ટ પ્રીપેડ મીટર મોબાઈલમાં તમામ માહિતી આપશે
  
• મીટર ડેટા મેનેજમેન્ટ પણ મોબાઈલથી કરી શકાશે
• પ્રથમ ફેઝમાં 23.66 લાખ મીટર લગાવવામાં આવશે

આગામી દિવસોમાં પ્રીપેડ વીજ મીટર લગાવવાની તૈયારી રાજ્ય સરકાર દ્વારા પૂર્ણ કરી દેવામાં આવી છે. ભારત સરકારના ઉર્જા મંત્રાલય દ્વારા આપવામાં આવેલા નિર્દેશ અનુસાર ડિસેમ્બર 2023 સુધીમાં આ યોજના અમલમાં મૂકવામાં આવી હતી . ગુજરાતની ચારેય વીજ કંપનીઓના કાર્યક્ષેત્ર હેઠળના વિસ્તારોમાં કુલ 1,64,81,871 જેટલા પ્રીપેડ સ્માર્ટ ઇલેક્ટ્રિક મીટર લગાવાશે, પ્રાથમિક તબક્કે કુલ 10443 કરોડના ખર્ચનો અંદાજ મૂકવામાં આવ્યો છે .જેને ડિસ્કોમ દ્વારા મંજૂરી આપી દેવામાં આવી છે રાજકોટમાં આ મીટર લગાવવાની શરૂઆત કરી દેવાઈ છે.સ્માર્ટ પ્રીપેડ મીટર મોબાઈલમાં તમામ માહિતી આપશે ,સાથે સાથે મોબાઈલથી પણ મેનેજમેન્ટ કરી શકાશે.

રાજકોટમાં શરૂઆત

રાજ્યમાં પ્રથમ તબક્કે સરકારના તમામ વિભાગો કચેરીઓ બોર્ડ નિગમની કચેરી સ્વાયત સંસ્થાઓ પ્રિપેડ સ્માર્ટ ઇલેક્ટ્રિક મીટર લગાવાશે,તેના રિપોર્ટ અને તેની સફળતાના આધારે રાજ્યના વિવિધ ઝોનમાં આ યોજનાનો અમલ કરવામાં આવશે. આ યોજનાનો સંભવત પ્રથમ સૌરાષ્ટ્ર ઝોનમાં અમલ કરાયો છે. જેમાં જામનગર અને રાજકોટ જિલ્લાનો સમાવેશ થાય છે. આ માટે સર્વેની કામગીરી પૂર્ણ કરી દેવાઇ છે અને મીટર લગાવવાની શરૂઆત પણ કરી દેવાઈ છે.

ગ્રાહકોને પ્રોત્સાહન યોજના

ભારત સરકાર દ્વારા યોજનાના અમલ માટે પ્રથમ ભાગમાં દેશના 25 કરોડ સ્માર્ટ મીટર લગાવવાનું વિચારણા હેઠળ છે. પ્રિપેડ સ્માર્ટ મીટર માટે એડવાન્સ મીટીંગ ઇન્ફ્રાસ્ટ્રક્ચર ઇન્સ્ટોલેશન સાથે ફીડર પણ મીટર રીડિંગની સુવિધા માટે પીપી મોડેલ અમલી બનાવવામાં આવશે અને યોગ્ય સમયે ઉર્જા એકાઉન્ટિંગની સુવિધા પણ લાગુ કરી થશે.