Surat: નરાધમ પિતાએ 12મા ધોરણમાં ભણતી પુત્રીને પીંખી નાંખી

સુરતમાં હવસખોર પિતાની હેવાનિયત સામે આવી છે. શહેરમાં એક પિતાએ પોતાની 12મા ધોરણમા ભણતી દીકરી પર સતત 6 વર્ષ સુધી દુષ્કર્મ આચર્યું હોવાની ઘટના પ્રકાશમાં આવી છે. ઈચ્છાપોર પોલીસે નરાધમ પિતાની ધરપકડ કરીને વધુ કાર્યવાહી હાથ ધરી છે.

કાકાને ત્યાં મોકલ્યા બાદ સમગ્ર હકીકત બહાર આવી

પ્રાપ્ત વિગતો પ્રમાણે સુરતમાં ધોરણ 12માં અભ્યાસ કરતી દીકરી પર તેના હેવાન પિતાએ સતત 6 વર્ષ સુધી દુષ્કર્મ આચર્યુ હોવાની ઘટના સામે આવતાં ચકચાર મચી જવા પામી છે. પરિવારે દીકરીને તેના કાકાને ત્યાં મોકલ્યા બાદ સમગ્ર હકીકત બહાર આવી છે. નરાધમ પિતા દીકરીને માર મારતો હતો. દીકરીએ પિતાની ગંદી હરકતો અંગે તેની માતા અને દાદા-દાદીને જાણ કરી હતી.

 ઈચ્છાપોર પોલીસે પિતાની ધરપકડ કરી

પિતાએ પરિવાર સાથે ઝઘડો કર્યો હતો. તે તેની પુત્રીને માર મારતો હતો. આ ઘટનામાં પોલીસ ફરિયાદ કરતા ઈચ્છાપોર પોલીસે પિતાની ધરપકડ કરીને વધુ તપાસ હાથ ધરી છે. પરિવારમાં ઝઘડા થતાં દીકરીને તેના કાકાને ત્યાં મોકલી દેવાઈ હતી. જયાં તેને પોતાની સાથે થયેલી યાતના વર્ણવી હતી. ત્યાર બાદ સમગ્ર વાત બહાર આવી હતી. પરિવારે પિતાની પોલીસમાં ફરિયાદ કરતાં પોલીસે વધુ તપાસ હાથ ધરી છે.