Surat: ઇલેક્ટ્રીક બસમાં આગની ઘટના, ફાયર વિભાગે આગને કાબૂમાં લીધી

ઇલેક્ટ્રીક ગાડી અને બાઈકમાં ટેક્નિકલ ખામી સર્જાતા આગની ઘટનાઓ બને છે. જેમાં ઘણીવાર આગ લાગતા મોટી દુર્ઘટનાની સંભાવનાઓ બને છે.તો સુરતના પાલમાં ઇલેક્ટ્રીક બસમાં ધુમાડા નીકળવાની ઘટના બની હતી. જેના લીધે લોકોમાં ભયનો માહોલ સર્જાયો હતો. આગની ઘટનાને પગલે ફાયર વિભાગે આગને કાબૂ માં લીધી હતી.

ઇ બસમાં આગ લાગી

પ્રાપ્ત માહિતી મુજબ સુરતના પાલ વિસ્તારમાં ઇલેકટ્રીક બસમાં ધુમાડા નીકળ્યા હતા. ઇલેક્ટ્રીક બસમાં ધૂમાડા નીકળતા લોકોના જીવ તાળવે ચોંટ્યા હતા.આગ લાગતા લોકોમાં ડરનો માહોલ સર્જાયો હતો.જેના લીધે લોકો બસની બહાર નીકળીને પોતાનો જીવ બચાવ્યો હતો. ઇલેક્ટ્રીક બસમાં આગને લઈને લોકોમાં ભારે અફરાતફરી મચી જવા પામી હતી. લોકોએ ઇલેક્ટ્રીક બસમાં આગની જાણ તાત્કાલિક ફાયર બ્રિગેડને કરી દીધી હતી .જ્યારે ઘટનાને પગલે ફાયરની ગાડી ઘટના સ્થળે આવી પહોંચી હતી.

 આગ કાબૂમાં લીધી

ઇલેક્ટ્રીક આગની ઘટનાની જાણ ફાયર વિભાગને થતા તાત્કાલિક ફાયર વિભાગની ગાડી ઘટના સ્થળે આવી પહોંચી હતી. જે બાદ ફાયર વિભાગે ઇલેક્ટ્રીક બસ પર પાણી અને ફોમનો મારો ચલાવ્યો હતો. ભારે જહેમત બાદ ફાયર વિભાગે આગને કાબૂમાં લીધી હતી. જ્યારે આગને કાબૂમાં લીધા પછી ફાયર વિભાગે તપાસ કરી તો જાણવા મળ્યું કે, બસમાં 10 બેટરીમાંથી કુલ 2 બેટરી સંપૂર્ણપણે બળીને ખાક થઈ ગઈ હતી. તો પ્રાથમિક તપાસમાં શોર્ટ સર્કિટના લીધે આગ લાગી હોવાનું જાણવા મળ્યું છે.