Surat: MD ડ્રગ્સનો આરોપી પોલીસ કસ્ટડીમાંથી ફરાર

સુરતમાં પોલીસે 17.59 ગ્રામ MD ડ્રગ્સ સાથે એક આરોપીને પકડ્યો હતો. ડ્રગ્સ પેડલર ઝુબેર ફિરોઝ ખાન પઠાણ પોલીસ કસ્ટડીમાંથી ફરાર થઈ જતાં પોલીસની કામગીરી સામે સવાલો ઉભા થયાં છે. પોલીસે આરોપીને રિંગ રોડ સ્થિત કિન્નરી ટોકીઝ પાસેથી પકડ્યો હતો. આરોપીને ફરાર થયાને 24 કલાક થયા પણ હજી સુધી પોલીસના હાથે લાગ્યો નથી.

આરોપીને 17.59 ગ્રામ MD ડ્રગ્સ સાથે પકડ્યો હતો

પ્રાપ્ત વિગતો પ્રમાણે સુરતમાં પોલીસ કસ્ટડીમાંથી એમડી ડ્રગ્સ સાથે પકડાયેલો આરોપી ફરાર થઈ ગયો હતો. આરોપીને પકડવા માટે પોલીસ દોડતી થઈ ગઈ હતી.ડ્રગ્સ પેડલર ઝુબેર ફિરોઝ ખાન પઠાણને રિંગ રોડ સ્થિત કિન્નરી ટોકીઝ પાસેથી 17.59 ગ્રામ MD ડ્રગ્સ સાથે પકડ્યો હતો.આરોપી ટ્રાફિક શાખાની કચેરીની શૌચાલયમાંથી ભાગી છૂટ્યો હતો.

કચેરીના શોચાલયની બારીમાંથી ભાગ્યો

સુરત ક્રાઈમ બ્રાંચની ટીમને ડ્રગ્સના આરોપીએ પડકાર ફેંક્યો હોય તેવી સ્થિતિ જોવા મળી છે. આરોપી ટ્રાફિક શાખાની કચેરીના શોચાલયની બારીમાંથી વેહલી સાવરે ફરાર થઈ ગયો હતો. તેને ફરાર થયે 24 કલાક વીતી ચૂક્યા છે પણ હજી સુધી તે પોલીસની પકડમાં આવ્યો નથી. પોલીસ કસ્ટડીમાંથી આરોપી ભાગી જતાં અનેક સવાલો ઉભા થયાં છે.