Surat: પાડોશીએ 5 અને 8 વર્ષની દીકરીની કરી છેડતી,પોલીસે નરાધમની કરી ધરપકડ

ગુજરાતમાં દીકરીઓ સુરક્ષિત છે કે નહીં તે સવાલ ચોક્કસપણે થવાનો જ છે કારણ કે દિકરીઓ સાથે નરાધમો વિચિત્ર હરકત કરવાનું મુકતા નથી. રાજ્યમાંથી દિકરીઓની છેડતી થતી હોવાની ઘટનાઓ દરરોજ સામે આવતી રહે છે. ત્યારે ફરી એકવાર સુરતના પાડોશીએ બાજુમાં રહેતી 2 માસૂમ દિકરીઓની છેડતી કરી હતી. હવસખોર પડોશીએ માત્ર 5 અને 8 મહિનાની દિકરીની છેડતી કરતા મામલો પોલીસ મથક પહોંચ્યો છે.

સુરતમાં 40 વર્ષીય યુવાનની શર્મનાક કરતુત

સુરતમાં 40 વર્ષીય યુવાનની શર્મનાક કરતુત સામે આવી છે. આ વ્યક્તિએ પાડોશીમાં રહેતી 2 દિકરીઓને ચોકલેટ આપવાની લાલચ આપી હતી. ત્યાર બાદ તે દિકરીઓને રૂમમાં લઈ ગયો અને છેડતી કરી હતી. બંને દિકરીઓની છેડતી થતાં ત્યાંથી ભાગી ગઈ હતી. દિકરીઓએ માતાપિતાને સમગ્ર બનાવની જાણ થતાં મામલો અડાજણ પોલીસ મથક ખાતે પહોંચ્યો હતો. અડાજણ પોલીસે નરાધમની ધરપકડ કરી છે.

આરોપી પત્ની અને દીકરા દીકરી સાથે રહે છે

આ વ્યક્તિએ 5 અને 8 વર્ષની દીકરીની છેડતી કરી હતી. જેમાંથી 8 વર્ષની દિકરી આરોપીને બટકુંભરીને ત્યાંથી ભાગી ગઈ હતી. આ માસૂમ તેના માતા ઘરે વેકેશન માટે આવી હતી અને તે અમદાવાદ રહે છે અને 5 વર્ષની દીકરી ફોઈની દીકરી છે. બે દીકરીઓની છેડતી કરનાર આરોપી છૂટક મજૂરી કરતો હોવાનું સામે આવ્યું છે અને તે પોતાની પત્ની અને દીકરા દીકરી સાથે રહે છે.