Surat: ચાલુ બસે ડ્રાઈવર અર્ધ બેભાન થયો છતાં બસને કેનાલમાં ખાબકતા બચાવી

સુરતમાં બારડોલી કડોદરા હાઈવે પર એસટી બસનો અકસ્માત સર્જાયો છે. ચાલુ બસે ડ્રાઈવર અર્ધબેભાન થઈ જતા અકસ્માત સર્જાયો છે. બારડોલીના પલસાણાના તાતીથૈયા ગામ પાસે અકસ્માતની ઘટના બની છે. પેસેન્જર ભરેલી બસ રેલિંગ સાથે અથડાઈ હતી. ડ્રાઇવરે બસને કેનાલમાં ખાબકતી બચાવી લીધી હતી. આ ઘટનામાં બસના તમામ પેસેન્જરો સુરક્ષિત છે. ઘટનાની જાણ થતાં જ કડોદરા પોલીસ સ્થળ પર પહોંચી હતી.

પેસેન્જર ભરેલી બસ રેલિંગ સાથે અથડાઈ

પ્રાપ્ત વિગતો પ્રમાણે સુરતમાં એસટી બસનો અકસ્માત થયો હોવાની ઘટના સામે આવી છે. બારડોલી કડોદરા હાઈવે પર પલસાણાના તાતીથૈયા ગામ પાસે ચાલુ બસે ડ્રાઈવર અર્ધ બેભાન થઈ જતાં સ્ટીયરીંગ પરનો કાબુ ગુમાવ્યો હતો. ડ્રાઈવર જે રસ્તા પર બેભાન અવસ્થામાં પહોંચ્યો હતો ત્યાં સાઈડમાં એક કેનાલ પસાર થાય છે. બસના સ્ટીયરીંગ પરથી કાબુ ગુમાવતા પેસેન્જર ભરેલી બસ રેલિંગ સાથે અથડાઈ હતી.

ડ્રાઈવરે બસને કેનાલમાં ખાબકતાં બચાવી લીધી

અર્ધ બેભાન હાલતમાં હોવા છતાં ડ્રાઈવરે બસને કેનાલમાં ખાબકતાં બચાવી લીધી હતી. બસ સીધી જ એક રેલીંગ સાથે અથડાઈ હતી. આ અકસ્માતમાં સદનસીબે કોઈ જાનહાની થઈ નથી. તમામ પસેન્જરોને સુરક્ષિત હોવાનુ જાણવા મળ્યું છે. આ ઘટનાની જાણ થતા જ કડોદરા પોલીસ ઘટના સ્થળે પહોંચી હતી. બસના પેસેન્જરોને અન્ય એસ.ટી બસમાં શિફ્ટ કરવામાં આવ્યા હતાં. જ્યારે ડ્રાઈવરને સારવાર માટે ખસેડવામાં આવ્યો હોવાની વિગતો સુત્રોએ જણાવી હતી.