- MERSનો પહેલો કેસ 2012માં સઉદી અરબમાં આવ્યો હતો
- આ શ્વાસ સંબંધી બીમારી છે અને તેનું કારણ કોરોના વાયરસ છે
- આ બીમારી મોટા પાયે ઊંટથી ફેલાય છે
કેમલ ફ્લૂને MERS એટલે કે મિડલ ઈસ્ટ રિસ્પાયરેટરી સિન્ડ્રોમ પણ કહેવામાં આવે છે. MERSનો પહેલો કેસ 2012માં સઉદી અરબમાં આવ્યો હતો. આ શ્વાસ સંબંધી બીમારી છે અને તેનું કારણ કોરોના વાયરસ છે. તે વાયરસ માણસો અને જાનવરોમાં જોવા મળે છે. આ બીમારી મોટા પાયે ઊંટથી ફેલાય છે. ડબલ્યૂએચઓએ હાલમાં જ કેમલ ફ્લીને એ વાયરસની યાદીમાં રાખ્યો છે જેની મહામારીના રૂપમાં ફેરવાઈ જવાની શક્યતા છે.
નવી બીમારી ફેલાવવાનો ખતરો
ખાડી દેશ કતરમાં ફીફા વર્લ્ડ કપના સમયે એક નવી મહામારી ફેલાવવાનો ખતરો મંડરાઈ રહ્યો છે. આ નવી મહામારી કેમલ ફ્લૂ હોઈ શકે છે. વિશ્વ સ્વાસ્થ્ય સંગઠને તેને લઈને ચેતવણી આપી છે. કેમલ ફ્લૂ મિડલ ઈસ્ટ રિસ્પાયરેટરી સિન્ડ્રોમના નામે પણ જાણીતો છે. તેનાથી 12 લાખ લોકો પ્રભાવિત થઈ શકે છે. એક રિપોર્ટમાં કહેવાયું છે કે કેમલ ફ્લૂ એ 8 સંભવિત સંક્રમણ જોખમમાંથી એક છે જેનાથી 4 અઠવાડિયા સુધી ચાલનારા વર્લ્ડકપથી ખતરો હોઈ શકે છે. તેમાં કોરોના અને મંકીપોક્સ પણ સામેલ છે.
શું છે કેમલ ફ્લૂ
કેમલ ફ્લૂને MERS એટલે કે મિડલ ઈસ્ટ રિસ્પાયરેટરી સિન્ડ્રોમ પણ કહેવામાં આવે છે. MERSનો પહેલો કેસ 2012માં સઉદી અરબમાં આવ્યો હતો. આ શ્વાસ સંબંધી બીમારી છે અને તે ઊંટથી ફેલાય છે. ડબ્લ્યુએચઓએ તાજેતરમાં કેમલ ફ્લૂને વાયરસની યાદીમાં મૂક્યો છે જે રોગચાળામાં પરિવર્તિત થવાની સંભાવના ધરાવે છે. સંસ્થાના જણાવ્યા અનુસાર કેમલ ફ્લૂથી સંક્રમિત થનારા એક તૃતીયાંશ લોકો એટલે કે લગભગ 35 ટકા મૃત્યુ પામે છે.
કેમલ ફ્લૂના લક્ષણો
કેમલ ફ્લૂના લક્ષણો લગભગ કોરોના જેવા જ છે. તેના લક્ષણોમાં તાવ, ઉધરસ અને શ્વાસ લેવામાં તકલીફનો સમાવેશ થાય છે. WHO મુજબ ઝાડા પણ એક મુખ્ય લક્ષણ છે. આ કારણે 60 વર્ષથી વધુ ઉંમરના વૃદ્ધો, નબળી રોગપ્રતિકારક શક્તિ ધરાવતા લોકો અને પહેલાથી જ ગંભીર રોગોથી પીડિત લોકો સૌથી વધુ જોખમમાં છે. કેન્સર, ક્રોનિક ફેફસાના રોગ, હાયપરટેન્શન, કાર્ડિયોવેસ્ક્યુલર રોગ અને ડાયાબિટીસ જેવા રોગોથી પીડિત લોકો પણ ખૂબ જોખમમાં છે.
કેમલ ફ્લૂ કેવી રીતે ફેલાય છે?
કેમલ ફ્લૂ પ્રાણીઓમાંથી માણસોમાં ફેલાય છે. અધ્યયનોએ દર્શાવ્યું છે કે ચેપગ્રસ્ત ઊંટ પ્રત્યક્ષ કે આડકતરી રીતે માણસોને ચેપ લગાવી શકે છે. તે માણસમાંથી માણસોમાં પણ ઝડપથી ફેલાઈ શકે છે. હજુ સુધી કોઈ રસી કે સારવાર ઉપલબ્ધ નથી. ડબ્લ્યુએચઓ કહે છે કે ઊંટનું કાચું દૂધ જોખમી હોઈ શકે છે. તેનાથી માણસોને ચેપ લાગવાનો ભય છે. જોકે, ઊંટનું દૂધ પૌષ્ટિક છે. પરંતુ તેનો ઉપયોગ કરતા પહેલા તેને યોગ્ય રીતે ઉકાળવાનું જરૂરી છે. ડબ્લ્યુએચઓ નિષ્ણાતોએ કતાર જતા પ્રવાસીઓને ઊંટોથી અંતર રાખવા ખાસ કરીને તેમને સ્પર્શ ન કરવાની સલાહ આપી છે. રસીકરણ અને માત્ર સાત ખાદ્ય ચીજોના સલામત ઉપયોગ સહિત જરૂરી પ્રોટોકોલનું પાલન કરવાનું કહેવામાં આવ્યું છે.
