- રાજ્યસભા સાંસદે ગૃહમાંથી સસ્પેન્ડ કરવા સામે સુપ્રિમમાં કરી હતી અરજી
- ગૃહનાં અધ્યક્ષને માત્ર દિશાનિર્દેશો જાહેર કરવાની અપાઈ છે સત્તા
- નિયમ 266 નો ઉપયોગ કરી અધ્યક્ષ સભ્યને સસ્પેન્ડ કરી શકતા નથી
રાજ્યસભા સાંસદ રાઘવ ચઢ્ઢાની રાજ્યસભામાંથી તેમના અનિશ્ચિત સમય માટેના સસ્પેન્શનને પડકારતી અરજી પર સુપ્રીમ કોર્ટે સોમવારે રાજ્યસભા સચિવાલયને નોટિસ પાઠવી છે. ચીફ જસ્ટિસ ઑફ ઈન્ડિયા ડીવાય ચંદ્રચુડ અને જસ્ટિસ જેબી પારડીવાલા અને મનોજ મિશ્રાની બેન્ચ દ્વારા આ મામલે 30 ઑક્ટોબરનાં રોજ સુનાવણી હાથ ધરવામાં આવશે.
એટર્ની જનરલની માંગી મદદ
આ મામલે રાઘવ ચઢ્ઢાએ આ મામલે ભારતના એટર્ની જનરલ આર વેંકટરામણની પણ મદદ માંગી હતી. ચઢ્ઢા તરફથી હાજર રહેલા વરિષ્ઠ વકીલ રાજેશ દ્વિવેદીએ ખંડપીઠને જણાવ્યું હતું કે આ "રાષ્ટ્રીય મહત્વનો મુદ્દો" છે અને કેટલાક પ્રશ્નો ઉઠાવ્યા છે કે શું આ મુદ્દાને આ જ આધાર પર વિશેષાધિકાર સમિતિને મોકલવામાં આવ્યા પછી આ પ્રકારનો આદેશ પસાર કરી શકાય કે કેમ તે માટે દાદ માંગી હતી. દ્વિવેદીએ જણાવ્યું હતું કે કાઉન્સિલ ઑફ સ્ટેટ્સમાં કાર્યપ્રણાલી અને વ્યવસાયના નિયમોના નિયમ 266 ફક્ત અધ્યક્ષને સામાન્ય દિશાનિર્દેશો જાહેર કરવાની સત્તા આપે છે અને આ સત્તાનો ઉપયોગ કરીને અધ્યક્ષ સભ્યને સસ્પેન્ડ કરી શકતા નથી.
વિશેષાધિકાર ભંગના આરોપસર કરાયા હતા સસ્પેન્ડ
સંસદનાં ચોમાસા સત્ર દરમિયાન કેટલાક સભ્યોની ફરિયાદો પછી "વિશેષાધિકારના ભંગ" માટે સાંસદ રાઘવ ચઢ્ઢાને 11 ઓગસ્ટના રોજ ઉપલા ગૃહમાંથી સસ્પેન્ડ કરવામાં આવ્યા હતા. ચયન સમિતિમાં તેમનું નામ સામેલ કરતા પહેલા પાંચ રાજ્યસભા સાંસદોની સંમતિ ન લેવાનો સાંસદ પર આરોપ હતો. રાજ્યસભામાં દિલ્હી સેવા બિલ સંબંધિત પ્રસ્તાવમાં પાંચ સાંસદોની સહીઓ બનાવટી બનાવવાના તેમના વિરુદ્ધના આરોપ પર વિશેષાધિકાર સમિતિએ તેના તારણો રજૂ કર્યા ત્યાં સુધી તેમને સસ્પેન્ડ કરવામાં આવ્યા હતા.
ચઢ્ઢાએ સસ્પેન્શનને ગેરકાયદેસર ગણાવ્યું
ચઢ્ઢએ દલીલ કરી છે કે તેમનું સસ્પેન્શન ગૃહના નેતા પિયુષ ગોયલ દ્વારા સૂચવવામાં આવેલા એક પ્રસ્તાવને અનુસરવામાં આવ્યું હતું, જેમણે રાષ્ટ્રીય રાજધાની પ્રદેશ દિલ્હી સરકાર માટે પ્રસ્તાવિત પસંદગી સમિતિમાં તેમની સંમતિ વિના ઉચ્ચ ગૃહના કેટલાક સભ્યોના નામ સામેલ કરવા બદલ રાઘવ ચઢ્ઢા સામે પગલાં લેવાની માંગ કરી હતી.
