Air India Flight મોડી પડતા સાંસદ સુપ્રિયા સુલે ભડક્યા,કહ્યુ આ એક ટ્રેન્ડ

એર ઈન્ડિયા એરલાઈન ફરી એકવાર નિશાના પર છે. NCP (શરદ જૂથ)ના લોકસભા સાંસદ સુપ્રિયા સુલેએ ફ્લાઈટના વિલંબ પર નારાજગી વ્યક્ત કરી છે અને સિસ્ટમ પર સવાલો ઉઠાવ્યા છે. તેણે એરલાઇનની જવાબદારી નક્કી કરવાની માંગ કરી છે. સુપ્રિયાએ કહ્યું કે આ ટ્રેન્ડનો એક ભાગ બની ગયો છે અને તે અસ્વીકાર્ય છે.

સુપ્રિયાએ કહ્યું કે આ ટ્રેન્ડનો એક ભાગ બની ગયો છે અને તે અસ્વીકાર્ય છે

સુપ્રિયાએ X પર લખ્યું, હું એર ઈન્ડિયાની ફ્લાઈટ AI0508માં મુસાફરી કરી રહી છું, જે 1 કલાક 19 મિનિટ મોડી છે. આ સતત થઇ રહ્યુ છે, જેના કારણે મુસાફરોને અસુવિધા થાય છે. આ અસ્વીકાર્ય છે. કેન્દ્રીય નાગરિક ઉડ્ડયન પ્રધાન રામ મોહન નાયડુને વિનંતી કરવામાં આવે છે કે એર ઈન્ડિયા જેવી એરલાઈન્સને વારંવાર વિલંબ માટે જવાબદાર ઠેરવવામાં આવે અને મુસાફરો માટે વધુ સારી સેવા સુનિશ્ચિત કરવા માટે કડક નિયમો લાગુ કરવા જોઈએ.

'આ ગેરવહીવટથી દરેકને અસર થાય છે'

આ પહેલા સુપ્રિયાએ અન્ય એક પોસ્ટમાં લખ્યું હતું કે, એર ઈન્ડિયાની ફ્લાઈટ્સ સતત મોડી થઈ રહી છે. આ અસ્વીકાર્ય છે. અમે પ્રીમિયમ ભાડા ચૂકવીએ છીએ, તેમ છતાં ફ્લાઇટ્સ ક્યારેય સમયસર હોતી નથી. વ્યવસાયિકો, બાળકો અને વરિષ્ઠ નાગરિકો... બધા આ સતત ગેરવહીવટથી પ્રભાવિત છે. હું નાગરિક ઉડ્ડયન મંત્રીને પગલાં લેવા અને એર ઈન્ડિયાને જવાબદાર ઠેરવવા વિનંતી કરું છું. કોઇ પાસે નકામો સમય નથી હોતો ખુબ હેરાન થઇ રહ્યા છે બધા.

એર ઈન્ડિયાએ સ્પષ્ટતા કરી છે

એર ઈન્ડિયાએ સુપ્રિયાની પોસ્ટ પર સ્પષ્ટતા કરતા કહ્યું, અમે સમજીએ છીએ કે વિલંબ ખૂબ જ નિરાશાજનક હોઈ શકે છે. જો કે, કેટલીકવાર ઓપરેશનલ સમસ્યાઓ અમારા નિયંત્રણની બહાર હોય છે જે ફ્લાઇટના સમયપત્રકને અસર કરી શકે છે. આવી જ સમસ્યાને કારણે આજે સાંજે મુંબઈ જતી તમારી ફ્લાઇટ એક કલાક મોડી પડી હતી. અમે તમારી સમજણની પ્રશંસા કરીએ છીએ. તમને મુશ્કેલી પડે એ બદલ દીલગીર છીએ.