- 2 લાખથી વધારે કાર્યક્રમો આયોજન
- દેશે અનેક મોટી સિદ્ધિ હાંસલ કરી
- 7500 કળશમાં માટી દિલ્હી પહોંચશે
કેન્દ્રીય ગૃહ પ્રધાન અમિત શાહે શુક્રવારે 'મેરી માટ્ટી-મેરા દેશ' અભિયાન હેઠળ અમૃત કળશ યાત્રાનું ઉદ્ઘાટન કર્યું. આ પ્રસંગે ગૃહમંત્રી શાહે અમૃત કળશ યાત્રાનું થીમસોંગ પણ લોન્ચ કર્યું હતું. શાહે કાર્યક્રમ દરમિયાન માહિતી આપી હતી કે, વડાપ્રધાન નરેન્દ્ર મોદીના નેતૃત્વમાં 'સ્વતંત્રતાના અમૃત મહોત્સવ' દરમિયાન બે લાખથી વધુ કાર્યક્રમોનું આયોજન કરવામાં આવ્યું છે. તેમણે કહ્યું કે આ કાર્યક્રમો દ્વારા દેશભક્તિની ભાવના ફરી જાગી છે. ઉદઘાટન સમારોહમાં ગૃહમંત્રી શાહે કહ્યું હતું કે, ભારતે છેલ્લા 75 વર્ષમાં ચંદ્ર પર પહોંચવા સહિત અનેક મહાન સિદ્ધિઓ હાંસલ કરી છે. પરંતુ હવે આ પૂરતું નથી. વડાપ્રધાન મોદીના વિઝન મુજબ દેશને મહાન રાષ્ટ્ર બનાવવો પડશે.
2 લાખથી વધારે કાર્યક્રમ
આઝાદી કા અમૃત મહોત્સવ અભિયાન અંતર્ગત દેશભરમાં 2 લાખથી વધુ કાર્યક્રમોનું આયોજન કરવામાં આવ્યું છે. આ કાર્યક્રમ રાષ્ટ્ર માટે પોતાનું જીવન સમર્પિત કરનારા બહાદુરોને શ્રદ્ધાંજલિ છે. ગૃહમંત્રી અમિત શાહે કહ્યું કે 'મેરી માટ્ટી-મેરા દેશ' અભિયાન હેઠળ પીએમ મોદીએ પાંચ કાર્યક્રમો દ્વારા દરેક વ્યક્તિને તેની સાથે જોડાવા માટેની તક આપી છે. આ પાંચ કાર્યક્રમોમાં દેશના નાયકોની નેમપ્લેટ લગાવવી, વડાપ્રધાનના પાંચ વચન અપનાવવા, 75 સ્વદેશી છોડ સાથે અમૃત વાટીકાનું નિર્માણ, નાયકો અને સ્વાતંત્ર્ય સેનાનીઓ તેમજ તેમના પરિવારોનું સન્માન અને રાષ્ટ્રધ્વજ ફરકાવવો અને રાષ્ટ્રગીતનું ગાન ગાવું જોઈએ.
દેશભરમાં મોટા કાર્યક્રમો
વડાપ્રધાન નરેન્દ્ર મોદીએ આઝાદી કા અમૃત મહોત્સવ અભિયાન વચ્ચે 'મેરી માટી-મેરા દેશ' કાર્યક્રમની જાહેરાત કરી હતી. પીએમએ કહ્યું હતું કે 'મેરી મિટ્ટી-મેરા દેશ' કાર્યક્રમ હેઠળ દેશભરમાં 'અમૃત કળશ યાત્રા' પણ કાઢવામાં આવશે. આ યાત્રામાં દેશના ખૂણેખૂણેથી 7,500 કળશોમાંની માટી દિલ્હી પહોંચશે. આ યાત્રા દરમિયાન દેશના વિવિધ ભાગોમાંથી રોપાઓ પણ લાવવામાં આવશે.
