બદલાપુરની એક શાળામાં માસૂમ છોકરીઓનું શોષણ કરવાનો આરોપી અક્ષય શિંદે પોલીસ એન્કાઉન્ટરમાં માર્યો ગયો છે. મળતી માહિતી મુજબ આરોપી અક્ષય શિંદેએ પોલીસની રિવોલ્વર છીનવી લીધી હતી અને પોલીસ ટીમ પર ફાયરિંગ કર્યું હતું. આરોપીઓએ પોલીસ ટીમ પર અનેક રાઉન્ડ ફાયરિંગ કર્યું હતું, જેમાં પોલીસ અધિકારીઓ પણ ઘાયલ થયા હતા. પોલીસે જણાવ્યું કે. આ ઘટના ત્યારે બની જ્યારે પોલીસ ટીમ અક્ષયને તલોજા જેલમાંથી તેમની સાથે લઈ જઈ રહી હતી.
પોલીસે જણાવ્યું કે, આરોપીઓએ પોલીસ ટીમ પર ગોળીબાર કર્યા બાદ તેમણે આરોપીઓ સામે જવાબી કાર્યવાહીમાં આરોપી અક્ષયને ગોળી લાગી છે. આરોપી ઘાયલ થતા તેને સારવાર માટે નજીકની હોસ્પિટલમાં દાખલ કરવામાં આવ્યો છે.
પોલીસે પોક્સો એક્ટ હેઠળ આરોપીની ધરપકડ કરી હતી
બદલાપુર પોલીસે અક્ષય શિંદેની બે સ્કૂલની છોકરીઓના યૌન શોષણના આરોપમાં ધરપકડ કરી હતી. આ ઘટના પ્રકાશમાં આવ્યા બાદ શાળાના બાળકોના વાલીઓ અને સ્થાનિક લોકોએ મોટી સંખ્યામાં વિરોધ કર્યો હતો. વિરોધ દરમિયાન પ્રદર્શનકારીઓએ એક શાળામાં તોડફોડ કરી અને 'રેલ રોકો' દરમિયાન સ્થાનિક રેલવે સ્ટેશન પર પથ્થરમારો પણ કર્યો. SIT આ મામલે તપાસ કરી રહી છે. સ્કૂલના બાથરૂમમાં બે છોકરીઓના યૌન શોષણનો મામલો સામે આવ્યા બાદ 16 ઓગસ્ટે તેમની સામે કેસ નોંધવામાં આવ્યો હતો. આ પછી પોલીસે પોક્સો એક્ટ હેઠળ આરોપીની ધરપકડ કરી હતી.
છોકરીઓની જાતીય સતામણીનો મામલો
13 ઓગસ્ટ 2024ના રોજ બદલાપુરની એક શાળામાં બે છોકરીઓની જાતીય સતામણીનો મામલો સામે આવ્યો હતો. આ મામલામાં સ્કૂલના જ સફાઈ કર્મચારી અક્ષય શિંદેને આરોપી જાહેર કરવામાં આવ્યો હતો અને પોલીસે તેની ધરપકડ કરી હતી. આ મામલે લોકોમાં રોષ જોવા મળ્યો હતો અને બદલાપુર રેલવે સ્ટેશન પર ભારે હોબાળો થયો હતો. યૌન શોષણની ઘટના સામે આવ્યા બાદ હજારોની ભીડ લોકલ ટ્રેનના રેલવે ટ્રેક પર ઉતરી આવી હતી. ત્યારબાદ પથ્થરમારાની ઘટના પ્રકાશમાં આવી હતી.
નવ કલાક સુધી ટ્રેન સેવા રોકી દેવામાં આવી હતી
20 ઓગસ્ટના રોજ ટોળાએ પહેલા શાળામાં તોડફોડ કરી અને પછી સવારે 8 થી સાંજે 6 વાગ્યા સુધી બદલાપુર સ્ટેશન પર પ્રદર્શન કર્યું. જેની તસવીરો અને વીડિયો સોશિયલ મીડિયા પર વાયરલ થયા હતા. લોકો રેલવે ટ્રેક પર ઉતરી આવતા 10 કલાકથી વધુ સમય સુધી લોકલ ટ્રેનોની અવરજવર ઠપ્પ થઈ ગઈ હતી. સાંજે પોલીસે લાઠીચાર્જ કરીને રેલવે ટ્રેક ખાલી કરાવ્યો હતો.
પોલીસે લાઠીચાર્જ કરીને રેલવે ટ્રેક ખાલી કરાવ્યો હતો
બદલાપુર રેલ્વે સ્ટેશન પર પોલીસ દ્વારા વારંવાર વિનંતી કરવા છતાં પ્રદર્શનકારીઓ તેમના આંદોલનને સમાપ્ત કરવા તૈયાર ન હતા. પ્રદર્શનકારીઓએ લગભગ નવ કલાક સુધી ટ્રેન સેવા બંધ કરી દીધી હતી. મંત્રી ગિરીશ મહાજન પોતે રેલવે સ્ટેશન આવ્યા હતા. તેમણે લોકોને આંદોલન સમાપ્ત કરવા વિનંતી કરી હતી. ગિરીશ મહાજને અપીલ કરી હતી કે, આરોપીઓને કડકમાં કડક સજા આપવામાં આવે, પરંતુ તેમ છતાં વિરોધ કરનારાઓ ત્યાંથી હટ્યા ન હતા. આ પછી આખરે પોલીસે દેખાવકારો પર લાઠીચાર્જ કરવો પડ્યો હતો.
શિંદે સરકાર આવી હતી એક્શનમાં
આ મામલો સામે આવ્યા બાદ અને લોકોમાં રોષ જોતા તાત્કાલિક કાર્યવાહી કરવામાં આવી હતી. શાળાના સંબંધિત મુખ્ય શિક્ષકને સસ્પેન્ડ કરવામાં આવ્યા હતા. આ ઉપરાંત બાળકોની સંભાળ રાખનારા બે નોકરોને પણ સસ્પેન્ડ કરવામાં આવ્યા હતા. આ ઉપરાંત પોલીસ સ્ટેશનમાં ફરિયાદ બાદ કેસ ન નોંધવા બદલ પોલીસ ઇન્સ્પેક્ટરોની પણ બદલી કરવામાં આવી હતી અને સંસ્થા સંચાલકો સામે કડક કાર્યવાહીના આદેશ આપવામાં આવ્યા હતા. મુખ્યમંત્રી એકનાથ શિંદેએ જાહેરાત કરી હતી કે આરોપીઓ સામે કડક કાર્યવાહી કરવામાં આવશે અને ફાસ્ટ ટ્રેક કોર્ટમાં તાત્કાલિક કેસ ચલાવવાનો આદેશ આપ્યો હતો.
