Delhi: ઝારખંડ સીએમ હેમંત સોરેન મળ્યા PMમોદીને, જાણો શું થઇ ચર્ચા?

• ઝારખંડના સીએમ હેમંત સોરેન મળ્યા પીએમ મોદીને
  
• સોશિયલ મીડિયા પર તસવીરો આવી સામે
• સીએમ પદની શપથ લીધા બાદ કરી પ્રથમ મુલાકાત

ઝારખંડના મુખ્યમંત્રી હેમંત સોરેન સીએમ બન્યા પછી પહેલી વાર પીએમ મોદીને મળવા પહોંચ્યા હતા. પીએમઓના સોશિયલ મીડિયા હેન્ડલ પર મુલાકાતની તસવીરો જાહેર કરવામાં આવી છે. હેમંત સોરેને પણ પોતાના એક્સ અકાઉન્ટ પર પોસ્ટ શેર કરી છે. જો કે આ બેઠકને સૌજન્ય મુલાકાત ગણાવી છે.

રાષ્ટ્રપતિને પણ મળ્યા સોરેન

માનવામાં આવે છે કે આ બેઠક દરમિયાન ઝારખંડ સાથે જોડાયેલા કેટલાક વિષયો પર સામાન્ય ચર્ચા થઈ હતી. 4 જુલાઈએ સીએમ તરીકે શપથ લીધા બાદ હેમંત સોરેનની વડાપ્રધાન સાથેની આ પ્રથમ મુલાકાત હતી. હેમંત સોરેન આજે રાષ્ટ્રપતિ દ્રૌપદી મુર્મુને પણ મળ્યા હતા.

સોરેન શનિવારે સોનિયા ગાંધીને મળ્યા હતા

મહત્વનું છે કે શનિવારે તેઓ કોંગ્રેસ સંસદીય દળના અધ્યક્ષ સોનિયા ગાંધીને મળ્યા હતા અને ત્યારબાદ દિલ્હીના સીએમ અરવિંદ કેજરીવાલના પત્ની સુનીતા કેજરીવાલને મળ્યા હતા. આ બેઠકો દરમિયાન તેમની પત્ની અને JMM ધારાસભ્ય કલ્પના સોરેન પણ તેમની સાથે હતા.

સોરેનને 28 જૂને જામીન મળ્યા હતા

હેમંત સોરેન શનિવારથી ઝારખંડની બહાર છે. રવિવારે તેમણે વારાણસીમાં બાબા વિશ્વનાથ મંદિર અને વિંધ્યાચલમાં મા વિંધ્યવાસિનીની પૂજા કરી હતી. તમને જણાવી દઈએ કે જમીન કૌભાંડ સંબંધિત મની લોન્ડરિંગ કેસમાં 31 જાન્યુઆરીએ ED દ્વારા સોરેનની ધરપકડ કરવામાં આવી હતી. લગભગ પાંચ મહિના જેલમાં રહ્યા બાદ તેને 28 જૂને હાઈકોર્ટમાંથી જામીન મળ્યા હતા. જેલમાંથી બહાર આવ્યાના સાતમા દિવસે 4 જુલાઈએ તેમણે ફરી એકવાર મુખ્યમંત્રી તરીકે શપથ લીધા.