Delhi University: વરસાદમાં ખૂલી લાયબ્રેરીની પોલ...પલળી બુક્સ, દીવાલોમાંથી વહી પાણીની ધારા, Video

• સોશિયલ મીડિયા પર વાયરલ થયો વીડિયો
  
• યુનિવર્સિટીના ફ્લોર પાણીમાં થયા ગરકાવ
• છત પરથી પડી રહી છે પાણીની અવિરત ધારા

દેશની ટોપ યુનિવર્સિટીઝમાં જાણીતી દિલ્હી યુનિવર્સિટી, જ્યાં ભણવાનું સપનું અનેક યુવાઓનું હોય છે. પરંતુ દિલ્હીના પહેલા વરસાદમાં આ લાયબ્રેરીની છત ટપકવા લાગી અને સાથે બુક્સ પણ પલળી હતી. આ વીડિયો દેશની ટોપ યુનિવર્સિટીની વ્યવસ્થાની પોલ ખોલી રહ્યો છે. આ વીડિયો ડીયુની આર્ટ્સ ફેકલ્ટીની લાયબ્રેરીનો છે જ્યાં કલા સંગ્રહની બુક્સનો સંગ્રહ કરાયો છે.

સોશિયલ મીડિયા પર વાયરલ થયો વીડિયો

દિલ્હી યુનિવર્સિટીની લાયબ્રેરીના આ વીડિયોમાં વિદ્યાર્થીઓ અને વિદ્યાર્થીનીઓ ભણવાની કોશિશ કરતા જોવા મળી રહ્યા છે. પરંતુ લાયબ્રેરીમાં છતમાંથી પાણી વહી રહ્યું છે. તેની જગ્યાએ અનેક ડેસ્કની સ્થિતિ એવી છે જ્યાં બેસી શકાતું નથી. ફ્લોર પર પાણી જ પાણી છે. તારની વચ્ચેથી પણ પાણી વહી રહ્યું છે જે ક્યારેક કોઈ મોટી ઘટનાનો શિકાર બનાવી શકે છે.

વાયરલ વીડિયો હેરાન કરનારો

ડીયુની લાયબ્રેરીનો આ વીડિયો હેરાન કરનારો છે કેમકે દિલ્હી યુનિવર્સિટી દેશની ખાસ સંસ્થાઓમાંની એક છે. દેશના તમામ વિદ્યાર્થીઓ અહીં ભણવા આવે છે પરંતુ પહેલા વરસાદમાં આવી વ્યવસ્થા ચિંતા જન્માવી શકે છે. દિલ્હી એનસીઆરમાં ચોમાસું પહેલા વરસાદમાં આફત બનીને આવ્યું છે. સડકો પર પાણી ભરાયું છે, લોકો ટ્રાફિક જામમાં ફસાયા છે. શેરીઓ અને વસ્તીમાં ગટરો ઉભરાઈ રહી છે.

દિલ્હીમાં ભારે વરસાદ સાથે ચોમાસાની શરૂઆત

ઉલ્લેખનીય છે કે ચોમાસું સામાન્ય રીતે 30 જૂને આવે છે. ભારે વરસાદની સાથે દિલ્હીમાં આ વખતે ચોમાસાની જાહેરાત કરાઈ છે. જૂન મહિનામાં સફદરજંગમાં 24 કલાકમાં અત્યાર સુધીનો સૌથી વધુ વરસાદ 28 જૂન 1936માં 235.5 મીમિ નોંધાયો હતો. આ પછી આજે 28 જૂને સફદરજંગમાં 228.1 મિમિ વરસાદ નોંધાયો છે. આ સાથે જ આઈએમડીનું કહેવું છે કે આ વખતે આ બીજો આંકડો છે પણ તે પણ શરૂઆતમાં. દિલ્હીએ હજુ વધારે વરસાદ જોવાનો બાકી છે.