Jammu kashmir News: સોપોરમાં આતંકી અને સેના વચ્ચે અથડામણ, 2 આતંકી ઠાર

• જમ્મુ કાશ્મીરના બારામૂલામાં ફરીથી અથડામણ
  
• આતંકી- સુરક્ષાદળના જવાનો વચ્ચે અથડામણ
• એન્કાઉન્ટર દરમિયાન એક જવાન ઘાયલ

ઉત્તર કાશ્મીરના બારામુલાના સોપોરમાં હાદીપોરા ગામમાં સુરક્ષાદળો અને આતંકીઓ વચ્ચે અથડામણ શરૂ થઇ છે. બંને તરફથી ફાયરિંગ કરવામાં આવી રહ્યું છે. ત્યારે એવા સમાચાર સામે આવ્યા છે કે અથડામણમાં જવાન ઘાયલ થયા છે. તેના સારવાર માટે હોસ્પિટલમાં લઇ જવાયા છે. જ્યારે જવાબી કાર્યવાહીમાં બે આતંકી ઠાર મરાયા છે. 

સર્ચ ઓપરેશન શરૂ

મહત્વનુ છે કે બુધવારે સવારે સોપોરના હાદીપોરા ગામમાં આતંકવાદીઓની શંકાસ્પદ ગતિવિધિની માહિતી મળ્યા બાદ પોલીસ અને સુરક્ષા દળોએ તરત જ વિસ્તારને ઘેરી લીધો હતો. સર્ચ ઓપરેશન શરૂ કરવામાં આવ્યું હતું.અધિકારીઓએ જણાવ્યું હતું કે આતંકવાદીઓએ સુરક્ષા દળો પર ગોળીબાર કર્યા બાદ સર્ચ ઓપરેશન એન્કાઉન્ટરમાં ફેરવાઈ ગયું. આ બાબતે કાશ્મીર ઝોન પોલીસે સોશિયલ મીડિયા પ્લેટફોર્મ પર માહિતી શેર કરી હતી. 

મંગળવારે કર્યુ હતું ફાયરિંગ

મંગળવારે (18 જૂન) જમ્મુ-કાશ્મીરના પુંછ જિલ્લામાં ઘેરાબંધી અને સર્ચ ઓપરેશન શરૂ થયા બાદ સુરક્ષા દળો અને આતંકવાદીઓ વચ્ચે ગોળીબાર થયો હતો. જમ્મુ અને કાશ્મીર પોલીસે કહ્યું હતું કે આ વિસ્તારમાં આતંકવાદીઓ વિશે વિશેષ માહિતીના આધારે સુરક્ષા દળો દ્વારા પૂંછ જિલ્લામાં ઘેરાબંધી અને સર્ચ ઓપરેશન શરૂ કરવામાં આવ્યું હતું અને તે દરમિયાન આતંકવાદીઓ અને સુરક્ષા દળો વચ્ચે ગોળીબાર શરૂ થયો હતો.