Loksabha Election 2024: કંગનાએ રોડ શૉ યોજી ભર્યુ ઉમેદવારી પત્ર,જાણો શું કહ્યું?

• કંગના રનોતે ભર્યુ ઉમેદવારી ફોર્મ


• મંડી બેઠક પર રોડ શો યોજી ભર્યુ ફોર્મ
• જીતનો વિશ્વાસ કર્યો વ્યક્ત

લોકસભાની ચૂંટણીના સાતમા તબક્કાના મતદાનને લઇને ઉમેદવારી ફોર્મ ભરવાનો આજે છેલ્લો દિવસ છે. 1 જૂને થનારી ચૂંટણીને લઇને ઉમેદવારી પત્ર ભરવામાં આવી રહ્યા છે.તેવામાં હિમાચલના મંડી બેઠક પરથી બીજેપી ઉમેદવાર કંગના રનોતે આજે ઉમેદવારી પત્ર ભર્યુ હતું.

ઉમેદવારી ફોર્મ ભર્યા બાદ શું કહ્યુ ?

મંડી લોકસભા સીટ પરથી બીજેપી ઉમેદવાર કંગના રનૌતે પોતાનું ઉમેદવારી ફોર્મ ભર્યા બાદ કહ્યું કે આજે મેં મંડી લોકસભા સીટ પરથી મારું ફોર્મ ભર્યું છે. મંડીથી ચૂંટણી લડવાની તક મળી એ મારા માટે ગર્વની વાત છે. હું બોલિવૂડમાં સફળ રહી છું અને મને આશા છે કે મને રાજનીતિના ક્ષેત્રમાં પણ સફળતા મળશે.સાથે જણાવ્યું કે આજે દરેક લોકો ખૂબ જ ઉત્સાહિત છે, આ મારા માટે ભાગ્યની વાત છે કે મંડીની એક દીકરીને આ તક મળી. લોકો ખૂબ જ ઉત્સાહિત છે અને તહેવાર જેવો માહોલ સર્જાયો છે.

શું કહ્યું પીએમ મોદીની ઉમેદવારી ફોર્મ અંગે ?

ઉલ્લેખનીય છે કે નોમિનેશન પહેલા કંગના રનૌતે એક મોટી રેલી યોજી હતી. આ દરમિયાન તેણે કહ્યું કે મંડીના લોકોનો મારા પ્રત્યેનો પ્રેમ મને અહીં લાવ્યો છે. આપણા દેશમાં મહિલાઓ દરેક ક્ષેત્રમાં પોતાની ઓળખ બનાવી રહી છે, પરંતુ ભ્રૂણહત્યાની ઘટનાઓ મંડીમાં સૌથી વધુ છે. આવી સ્થિતિમાં મહિલાઓ માટે કામ થશે. આ દરમિયાન પીએમ મોદીના નોમિનેશન પર કંગનાએ કહ્યું કે પીએમ મોદીએ મોટા કાશી-વારાણસીથી નોમિનેશન ભર્યું છે અને મેં છોટી કાશી-મંડીથી નોમિનેશન ફાઈલ કર્યું છે. આ એક મહત્વપૂર્ણ દિવસ છે. પીએમ મોદી ત્રીજી વખત ઉમેદવારી નોંધાવી રહ્યા છે. પીએમને અભિનંદન.