MP News: મધ્યપ્રદેશના રાજગઢમાં જાનૈયાઓનું ટ્રેક્ટર પલટી જતાં 13નાં મોત

• મધ્યપ્રદેશના રાજગઢમાં ટ્રેક્ટર પલટી જતાં 13 લોકોના મોત થયા છે
  
• મૃતકોમાં ચાર બાળકોનો પણ સમાવેશ થાય છે
• આ ઘટનામાં 15 લોકો ઘાયલ થયા છે

આ ઘટના રવિવારે રાત્રે 8 વાગ્યાની આસપાસ રાજગઢના પીપલોડીમાં બની હતી, જ્યારે જાનૈયાઓથી સવાર ટ્રેક્ટર પલટી ગયું હતું. જિલ્લા વહીવટીતંત્રના એક અધિકારીએ જણાવ્યું કે જાન રાજસ્થાનના મોતીપુરાથી કુલમપુર જઈ રહી હતી. તે દરમિયાન આ અકસ્માત થયો હતો.

અકસ્માત થતાં જ ઘટનાસ્થળે અરેરાટી વ્યાપી ગઈ હતી.

અકસ્માત થતાં જ ઘટનાસ્થળે અરેરાટી વ્યાપી ગઈ હતી. તેમનો અવાજ સાંભળીને સ્થાનિક ગ્રામજનો તાત્કાલિક સ્થળ પર પહોંચી ગયા હતા. તેમણે અકસ્માતગ્રસ્તોને મદદ કરવાનું શરૂ કર્યું. દરમિયાન કોઈએ આ ઘટના અંગે પોલીસ અને એમ્બ્યુલન્સને જાણ કરી હતી. આ ભયાનક અકસ્માતના સમાચાર મળતા જ જિલ્લાના ઉચ્ચ અધિકારીઓ ઘટના સ્થળે દોડી આવ્યા હતા.

 રાત્રિના અંધકારમાં ટ્રોલી પલટી ગઈ

એવું કહેવાય છે કે લગ્નની આ જાન રાજસ્થાનના છિપાબાદોડ પોલીસ સ્ટેશનના મોતીપુરા ગામથી રાજગઢ જિલ્લાના દેહરીનાથ ગ્રામ પંચાયતના ગામ કુલમપુરા તરફ આવી રહી હતી. લગ્નમાં 20 થી 25 જેટલા મહેમાનો ટ્રેક્ટર ટ્રોલીમાં આવીને મોજ મસ્તી કરતા હતા.

રાજગઢમાં પ્રવેશતા જ તેમનું ટ્રેક્ટર કાબૂ બહાર ગયું હતું

દરમિયાન મધ્યપ્રદેશના રાજગઢમાં પ્રવેશતા જ તેમનું ટ્રેક્ટર કાબૂ બહાર ગયું હતું. રાત્રિના અંધકારમાં ટ્રોલી પલટી ગઈ. ટ્રોલી એવી રીતે પલટી ગઈ કે બધા તેની નીચે દબાઈ ગયા. તેમાં પુરુષો ઉપરાંત મહિલાઓ અને બાળકો પણ હતા. ટ્રોલી નીચે આવતાની સાથે જ ચારેબાજુ ચીસાચીસ થઈ ગઈ હતી. જ્યારે ત્યાંથી પસાર થતા લોકોએ તેની બૂમો સાંભળી તો તેઓ ચોંકી ગયા. તમામ લોકો ઘટના સ્થળે દોડી આવ્યા હતા. કેટલાક લોકો ત્યાં રહેતા સ્થાનિક લોકોને બોલાવવા ગયા હતા.

કેટલાક લોકો ત્યાં રહેતા સ્થાનિક લોકોને બોલાવવા ગયા હતા

મધ્યપ્રદેશના મુખ્યમંત્રી મોહન યાદવે સોશિયલ મીડિયા પોસ્ટમાં જણાવ્યું કે રાજગઢ કલેક્ટર હર્ષ દીક્ષિત, પોલીસ અધિક્ષક અને મંત્રી નારાયણ સિંહ પંવાર ઘટનાસ્થળે હાજર છે. અમે રાજસ્થાન સરકાર અને પોલીસના સંપર્કમાં છીએ. ઘાયલોને રાજગઢ જિલ્લા હોસ્પિટલમાં લઈ જવામાં આવ્યા હતા. કેટલાક ગંભીર રીતે ઘાયલ લોકોને સારવાર માટે ભોપાલ લઈ જવામાં આવ્યા છે.

રાષ્ટ્રપતિ દ્રૌપદી મુર્મુએ પણ મૃતકોના પરિવારજનો પ્રત્યે સંવેદના વ્યક્ત કરી 

રાષ્ટ્રપતિ દ્રૌપદી મુર્મુએ પણ મૃતકોના પરિવારજનો પ્રત્યે સંવેદના વ્યક્ત કરી અને કહ્યું કે મધ્યપ્રદેશના રાજગઢમાં એક માર્ગ અકસ્માતમાં ઘણા લોકોના મોતના સમાચાર ખૂબ જ દુઃખદ છે. મારી સંવેદના પીડિત પરિવારો સાથે છે જેમણે આ ઘટનામાં પોતાના પ્રિયજનોને ગુમાવ્યા છે. હું ઘાયલોના ઝડપથી સ્વસ્થ થવાની કામના કરું છું.