Maharashtra જલગાંવમાં રેલ દુર્ઘટના, ટ્રક બંધ ફાટક તોડીને પાટા પર દોડી

મહારાષ્ટ્રના જલગાંવમાં એક ટ્રેન ઘઉંથી ભરેલી ટ્રકને લગભગ 500 મીટર સુધી ખેંચી ગઈ. આ ઘટના ત્યારે બની જ્યારે ટ્રક ડ્રાઈવરે બંધ રેલવે ફાટક તોડીને ટ્રેક ઓળંગવાનો પ્રયાસ કર્યો, પરંતુ એક હાઈસ્પીડ ટ્રેન અચાનક આવી ગઈ. આ દરમિયાન ટ્રક લાંબા અંતર સુધી ટ્રેન સાથે ખેંચાતી રહી. સદનસીબે આ અકસ્માતમાં કોઈને ઈજા થઈ નથી.

 બોદવડ રેલવે સ્ટેશન નજીક સવારે 4:30 વાગ્યે અમરાવતી એક્સપ્રેસ (12111) ઘઉં ભરેલી ટ્રકને લગભગ 500 મીટર સુધી ખેંચી ગઈ હતી

મળતી માહિતી મુજબ, બોદવડ રેલવે સ્ટેશન નજીક સવારે 4:30 વાગ્યે અમરાવતી એક્સપ્રેસ (12111) ઘઉં ભરેલી ટ્રકને લગભગ 500 મીટર સુધી ખેંચી ગઈ હતી. આ અકસ્માત ત્યારે થયો જ્યારે ટ્રક ચાલકે બંધ રેલવે ફાટક તોડીને ટ્રેક ઓળંગવાનો પ્રયાસ કર્યો, પરંતુ અચાનક સામેથી એક હાઈસ્પીડ ટ્રેન આવી ગઈ.

રેલ્વે ફાટક બંધ હતો, જેને તોડીને ટ્રક પાટા પર પહોંચી હતી

બોદવડ રેલ્વે સ્ટેશન પાસે આવેલ રેલ્વે ફાટક હાલમાં બંધ છે કારણ કે ત્યાં નવો પુલ બનાવવામાં આવેલ છે. જો કે, સ્થાનિક ડ્રાઇવરો આ ફેરફારથી સંપૂર્ણપણે વાકેફ નથી. જેના કારણે શુક્રવારે સવારે એક ટ્રક ચાલકે ઘઉં ભરેલી ટ્રક રેલ્વે ટ્રેક ઓળંગવાનો પ્રયાસ કર્યો હતો.

રેલ્વે ફાટક બંધ હતો, જેને તોડીને ટ્રક પાટા પર પહોંચી હતી, પરંતુ તે દરમિયાન અમરાવતી એક્સપ્રેસ તેજ ગતિએ ત્યાં પહોંચી હતી. પરિસ્થિતિને સમજીને, ટ્રેન ડ્રાઇવરે ઇમરજન્સી બ્રેક લગાવી, પરંતુ ટ્રેનને સંપૂર્ણપણે રોકી શક્યો નહીં. પરિણામે, ટ્રક ટ્રેનના એન્જિન સાથે અથડાઈ હતી અને લગભગ 500 મીટર સુધી ખેંચાઈ ગઈ હતી.

ટ્રેન ચાલકની સમજદારીને કારણે મોટી દુર્ઘટના ટળી હતી

અકસ્માત દરમિયાન ટ્રેનના ડ્રાઈવરે સંપૂર્ણ સાવધાની રાખી અને તરત જ બ્રેક લગાવીને ટ્રેનને રોકવાનો પ્રયાસ કર્યો. જો ટ્રેન ચાલકે સમયસર બ્રેક ન લગાવી હોત તો મોટી દુર્ઘટના સર્જાઈ શકી હોત. આ દુર્ઘટનામાં કોઈ મુસાફર કે રેલવે કર્મચારીને ઈજા થઈ નથી અને કોઈ જાન-માલનું નુકસાન થયું નથી.