- બંને દેશોની ટુકડીઓ સંયુક્ત કમાન્ડ પોસ્ટની કરશે સ્થાપના
- ભારતનું પ્રતિનિધિત્વ કરી રહી છે રાજપૂત રેજિમેન્ટની બટાલિયન
- ભારત-મલેશિયા વચ્ચેનાં દ્વિપક્ષીય સૈન્ય સંબંધોને મળશે પ્રોત્સાહન
ગુવાહાટી સ્થિત સંરક્ષણ મંત્રાલયનાં પીઆરઓએ માહિતી આપી હતી કે ''ભારતીય અને મલેશિયાની સેનાઓ વચ્ચે સંયુક્ત દ્વિપક્ષીય તાલીમ કવાયત "અભ્યાસ હરિમાઉ શક્તિ 2023"સોમવારે ભારતના મેઘાલય સ્થિત ઉમરોઈ કેન્ટોનમેન્ટમાં શરૂ થઈ છે. મલેશિયન આર્મી ટુકડીમાં મલેશિયન આર્મીની 5મી રોયલ બટાલિયનના સૈનિકોનો સમાવેશ થાય છે. આ સૈન્ય અભ્યાસમાં ભારતીય ટુકડીનું પ્રતિનિધિત્વ રાજપૂત રેજિમેન્ટની બટાલિયન કરી રહી છે.
બંને પક્ષે જોડાશે 120 જવાનો
5 નવેમ્બર 2023 સુધી સુનિશ્ચિત થયેલી હરિમાઉ શક્તિ અભ્યાસમાં બંને પક્ષોના આશરે 120 કર્મચારીઓ જોડાશે. આ અભ્યાસનો ઉદ્દેશ્ય સબ કન્વેન્શનલ પરિસ્થિતિમાં મલ્ટી ડોમેન ઓપરેશનના સંચાલન માટે લશ્કરી ક્ષમતાને વધારવાનો છે. કવાયત દરમિયાન બંને દેશોની ટુકડીઓ સંયુક્ત કમાન્ડ પોસ્ટની સ્થાપના કરશે અને સંયુક્ત સર્વેલન્સ સેન્ટરની સાથે એકીકૃત સર્વેલન્સ ગ્રીડની સ્થાપના કરશે. બંને પક્ષો જંગલ, અર્ધ-શહેરી અને શહેરી વાતાવરણમાં સંયુક્ત દળોની તૈનાતીનું રિહર્સલ કરશે. વધુમાં ઇન્ટેલિજન્સ કલેક્શન, કોલેશન અને ડિસેમિનેશન ડ્રીલનું પણ રિહર્સલ કરવામાં આવશે.
ભારત-મલેશિયન આર્મી વચ્ચે સંરક્ષણ સહયોગના સ્તરને વધારવાનો ઉદ્દેશ્ય
આ કવાયતમાં ડ્રોન, યુએવી અને હેલિકોપ્ટરની તૈનાતી પણ જોવા મળશે. બે પક્ષો દ્વારા અકસ્માત વ્યવસ્થાપન અને સ્થળાંતર કવાયતનો પણ અભ્યાસ કરવામાં આવશે. બંને ટુકડીઓ બટાલિયન સ્તરે લોજિસ્ટિક્સ મેનેજમેન્ટ અને પ્રેક્ટિસ સર્વાઇવલ તાલીમ અંગે ચર્ચા કરશે. આ તાલીમ મુખ્યત્વે ઉચ્ચ સ્તરની શારીરિક તંદુરસ્તી, વ્યૂહાત્મક સ્તરે કવાયતનું સંચાલન અને એકબીજા સાથે શ્રેષ્ઠ અભ્યાસની વહેંચણી પર ધ્યાન કેન્દ્રિત કરશે. આ અભ્યાસ અર્ધ-શહેરી વિસ્તારમાં 48 કલાક લાંબી કવાયત સાથે સમાપ્ત થશે. "હરિમાઉ શક્તિ" અભ્યાસનો ઉદ્દેશ્ય ભારતીય સેના અને મલેશિયન આર્મી વચ્ચે સંરક્ષણ સહયોગના સ્તરને વધારવાનો છે જે બંને રાષ્ટ્રો વચ્ચેના દ્વિપક્ષીય સંબંધોને પણ પ્રોત્સાહન આપશે. આ કવાયતની છેલ્લી આવૃત્તિ નવેમ્બર 2022માં પુલાઈ, ક્લુઆંગ, મલેશિયામાં હાથ ધરવામાં આવી હતી.
