પશ્ચિમ બંગાળમાં SIR (સ્પેશિયલ ઇન્ટેન્સિવ રિવિઝન) મામલે સુપ્રીમ કોર્ટમાં સુનાવણી થઇ હતી..આ દરમિયાન અનેક મહત્વપૂર્ણ અવલોકનો કરવામાં આવ્યા હતા. TMC સાંસદ કલ્યાણ બેનર્જીએ કોર્ટને માહિતી આપી હતી કે, 3.4 મિલિયન કેસમાંથી, ફક્ત 139 અપીલોનો નિકાલ કરવામાં આવ્યો છે. જે અપેક્ષા મુજબની પ્રગતિ કરતા ઘણો ઓછો છે.
તેના જવાબમાં CJI સૂર્યકાંતે જણાવ્યું હતું કે સંબંધિત પક્ષોએ આવા મામલાઓના નિરાકરણ માટે કલકત્તા હાઇકોર્ટનો સંપર્ક કરવો જોઈએ. તેમણે સ્પષ્ટતા કરી હતી કે આ પ્રકારના મુદ્દાઓ, જે રોજિંદા ધોરણે ઉદ્ભવે છે, તેને હાઇકોર્ટના મુખ્ય ન્યાયાધીશ દ્વારા વહીવટી સ્તરે ઉકેલી શકાય છે. વધુમાં જો જરૂરી લાગે તો ન્યાયિક હસ્તક્ષેપનો ઉપયોગ કરી શકાય છે.
બંગાળના મતદાન ટકાવારી માટે પ્રશંસા
આ દરમિયાન, SIR સુનાવણી દરમિયાન, CJI એ પશ્ચિમ બંગાળમાં ચૂંટણીના પ્રથમ તબક્કા દરમિયાન નોંધાયેલા ઉચ્ચ મતદાનની પણ પ્રશંસા કરી હતી. મુખ્ય ન્યાયાધીશ સૂર્યકાંતે સુનાવણી દરમિયાન ટિપ્પણી કરી હતી કે આ વખતે શાંતિપૂર્ણ મતદાન - કોઈપણ હિંસા વિના થયું તે ખૂબ જ સકારાત્મક સંકેત છે. "એક નાગરિક તરીકે, મને આનંદ છે,"
CJI સૂર્યકાંત, ન્યાયાધીશ જોયમલ્યા બાગચી અને ન્યાયાધીશ વિપુલ એમ. પંચોલીની બનેલી બેન્ચને જાણ કરવામાં આવી હતી કે ગુરુવારે (23 એપ્રિલ, 2026) યોજાયેલી બંગાળ વિધાનસભા ચૂંટણીના પ્રથમ તબક્કા દરમિયાન મતદાન 92 ટકાથી વધુ થયું હતું. આના જવાબમાં, CJI સૂર્યકાંતે ટિપ્પણી કરી, "ભારતના નાગરિક તરીકે, મને આટલી મોટી સંખ્યામાં લોકો મતદાન કરવા માટે બહાર આવતા જોઈને આનંદ થયો. લોકશાહીની મજબૂતી માટે આ જરૂરી છે.
સુપ્રીમ કોર્ટે SIR પર શું કહ્યું ?
SIR મામલાની સુનાવણી કરતી વખતે સુપ્રીમ કોર્ટે અવલોકન કર્યું કે જે વ્યક્તિઓના નામ મતદાર યાદીમાંથી કાઢી નાખવામાં આવ્યા છે અથવા જેમણે અપીલ દાખલ કરી છે તેમના માટે સામાન્ય માર્ગદર્શિકા પહેલાથી જ જાહેર કરવામાં આવી છે. કોર્ટે સ્પષ્ટ કર્યું કે દરેક વ્યક્તિગત કેસમાં હસ્તક્ષેપ કરવો શક્ય નથી.
જો કોઈ ચોક્કસ કેસમાં ખાસ ન્યાયિક હસ્તક્ષેપની જરૂર હોય, તો અરજદારોને હાઇકોર્ટનો સંપર્ક કરવાની સ્વતંત્રતા છે. સુપ્રીમ કોર્ટે ચૂંટણી ફરજ માટે તૈનાત 65 અધિકારીઓના જૂથને રાહત આપવાનો ઇનકાર કર્યો હતો જેમણે અરજી દાખલ કરી હતી. આ અધિકારીઓએ ફરિયાદ કરી હતી કે SIR પ્રક્રિયા પછી પ્રકાશિત અંતિમ મતદાર યાદીમાંથી તેમના નામ દૂર કરવામાં આવ્યા છે. તેઓએ આ સંદર્ભમાં નિવારણ માટે સુપ્રીમ કોર્ટમાં રિટ અરજી દાખલ કરી હતી.
આ સુનાવણી દરમિયાન કોર્ટે અરજદારોને પહેલા એપેલેટ ટ્રિબ્યુનલ અથવા સંબંધિત સત્તાધિકારીનો સંપર્ક કરવાનો નિર્દેશ આપ્યો, જ્યાં તેમના કેસોની વિગતવાર સુનાવણી થઈ શકે. સુપ્રીમ કોર્ટે વધુમાં પુનરોચ્ચાર કર્યો કે, અપીલ દાખલ કરનારાઓ માટે પહેલાથી જ સામાન્ય નિર્દેશો જાહેર કર્યા છે. દરેક વ્યક્તિગત કેસમાં સીધી દખલ કરવી યોગ્ય રહેશે નહીં. અંતે સુનાવણી દરમિયાન, સુપ્રીમ કોર્ટે પણ પશ્ચિમ બંગાળમાં ચૂંટણી શાંતિપૂર્ણ રીતે સંપન્ન થવા અંગે સંતોષ વ્યક્ત કર્યો. મુખ્ય ન્યાયાધીશે જણાવ્યું કે, એક નાગરિક તરીકે, તેમને એ જોઈને આનંદ થયો કે મતદાન સારું રહ્યું અને ચૂંટણી દરમિયાન કોઈ હિંસા થઈ નહીં.
આ પણ વાંચો- હાથમાં કેમેરો અને બોટમાં સવારી..જુઓ હુગલી નૌકાવિહારમાં PM Modiનો અંદાજ
