Bihar SIR: 416 નંબરે છે તમારુ નામ, તેજસ્વી યાદવના આરોપ અંગે ECનો જવાબ

બિહારમાં વિધાનસભાની ચૂંટણીને લઇને રાજકારણ ગરમાયુ છે. વળી ખાસ કરીને મતદારોના નામના લિસ્ટનું પુનઃ નિરીક્ષણ કરવાને લઇને પણ રાજકીય ગરમાવો વધ્યો છે. ત્યારે ચૂંટણી પંચ દ્વારા બિહારમાં વોટર્સનું નવુ લિસ્ટ જાહેર કરાયુ છે. જેમાં આર જે. ડી નેતા તેજસ્વી પ્રતાપ યાદવે દાવો કર્યો છે કે ઇલેક્શન કમિશન દ્વારા શુક્રલારે બિહાર માટે જાહેર કરાયેલા ડ્રાફ્ટ વોટર લિસ્ટમાં તેમનું નામ નથી.

તેજસ્વી યાદવે કર્યો આ દાવો 

પટનામાં એક પત્રકાર પરિષદને સંબોધતા તેજસ્વીએ કહ્યું કે મેં બિહારમાં મતદાર યાદીના સ્પેશિયલ ઇન્ટેન્સિવ રિવિઝન (SIR) દરમિયાન ગણતરી ફોર્મ ભર્યા હતા. પરંતુ મારું નામ ડ્રાફ્ટ મતદાર યાદીમાં નથી. હું આગામી વિધાનસભા ચૂંટણી કેવી રીતે લડીશ?' તેજસ્વી યાદવે કહ્યું કે તેમણે ચૂંટણી પંચના પોર્ટલ પર પોતાનો ECIP (ઇલેક્ટર્સ ફોટો ઓળખ કાર્ડ) નંબર RAB2916120 દાખલ કરીને શોધ કરી પરંતુ તેનો કોઈ રેકોર્ડ મળ્યો નથી.ચૂંટણી પંચે તેજસ્વી યાદવના આ દાવાને લઇને હકીકત તપાસી અને કહ્યું કે તેમનું નામ ડ્રાફ્ટ મતદાર યાદીમાં સામેલ છે

ચૂંટણી પંચે કર્યો ખુલાસો 

જોકે ચૂંટણી પંચે તેજસ્વી યાદવના દાવાની હકીકત તપાસી અને કહ્યું કે તેમનું નામ ડ્રાફ્ટ મતદાર યાદીમાં સામેલ છે. ચૂંટણી પંચે મતદાર યાદીનું ફોર્મેટ પણ યોગ્ય રીતે જાહેર કર્યું છે, જેમાં તેજસ્વીનું નામ, ઉંમર, પિતાનું નામ, ઘર નંબર તેમના ફોટા સાથે નોંધાયેલ છે. RJD નેતાના આરોપો પર ચૂંટણી પંચે તાત્કાલિક ડેટા શેર કર્યો અને કહ્યું કે તેજસ્વી યાદવે આરોપ લગાવ્યો કે તેમનું નામ મતદાર યાદીમાંથી દૂર કરવામાં આવ્યું છે. અહીં અમે યાદી શેર કરી છે અને તેમને તેમનું નામ કાળજીપૂર્વક તપાસવા વિનંતી કરી રહ્યા છીએ.

ચૂંટણી પંચ દ્વારા શેર કરાયેલા રેકોર્ડમાં તેજસ્વી યાદવનો ECIP નંબર RAB0456228 હતો. તેજસ્વી યાદવનું નામ ચૂંટણી પંચ દ્વારા શેર કરાયેલ ડ્રાફ્ટ મતદાર યાદીમાં સીરીયલ નંબર 416 પર નોંધાયેલું છે.