Bihar : તેજસ્વી યાદવ મુકાયા મુશ્કેલીમાં, 2 મતદાર કાર્ડ રાખવા મામલે ચૂંટણી પંચે ફટકારી નોટિસ

બિહારના પૂર્વ નાયબ મુખ્યપ્રધાન અને આરજેડી નેતા તેજસ્વી યાદવને ચૂંટણી પંચે બે અલગ અલગ વોટર આઈડી રાખવા મામલે નોટિસ મોકલી છે. પંચે તેજસ્વી યાદવ પાસે આ મુદ્દા પર સ્પષ્ટીકરણ માગ્યું છે અને નક્કી કરેલી સમયમર્યાદાની અંદર લેખિતમાં જવાબ આપવા માટે કહ્યું છે.

આ મામલે ગંભીરતાથી તપાસ કરવામાં આવી રહી છે

મળતી માહિતી મુજબ તેજસ્વી યાદવના નામ પર બે EPIC નંબર RAB0456228 અને RAB2916120 હાજર છે. તેમાંથી પ્રથમ નંબર 2020ના નામાંકન પત્ર અને 2015ની મતદાર યાદીમાં પણ દાખલ હતું, જ્યારે બીજા નંબરનું કોઈ અસ્તિત્વ જ જોવા મળ્યું નથી. ચૂંટણી પંચને શંકા છે કે આ બીજો EPIC નંબર નકલી હોય શકે છે. ચૂંટણી પંચના સુત્રોનું કહેવું છે કે આ મામલો મતદાર યાદીમાં ડબલ એન્ટ્રી અથવા નકલી દસ્તાવેજ સાથે સંબંધિત હોઈ શકે છે. તેથી તેની ગંભીરતાથી તપાસ કરવામાં આવી રહી છે. સાથે જ પંચે એ પણ જાણવાનો પ્રયત્ન કર્યો કે બીજો EPIC નંબર સત્તાવાર રીતે ઈશ્યુ થયો કે નહીં.

પૂર્વ નાયબ મુખ્યપ્રધાને લગાવ્યો હતો આ આરોપ

તેજસ્વી યાદવે પહેલા આ મામલે કહ્યું હતું કે તેમનું નામ મતદાર યાદીમાંથી હટાવવામાં આવ્યું છે પણ પંચે આ દાવો પાયાવિહોણો ગણાવ્યો છે અને કહ્યું કે તેમનું નામ હજુ પણ ડ્રાફ્ટ મતદાર યાદીમાં નોંધાયેલું છે. ચૂંટણી પંચે તેજસ્વી યાદવને તથ્યાત્મક જાણકારીની સાથે જવાબ આપવાનો નિર્દેશ આપ્યો છે. ચૂંટણી પંચે સ્પષ્ટ કર્યુ કે 1 ઓગસ્ટે જાહેર ડ્રાફ્ટ મતદાર યાદીમાં તેજસ્વી યાદનું નામ સ્પષ્ટ રીતે દાખલ છે. પંચે એ પણ જણાવ્યું કે વર્ષ 2015ની મતદાર યાદીમાં પણ તેજસ્વિની પાસે આ EPIC નંબર હતો. તેવામાં એમનો આ દાવો કે તેમનું નામ મતદાર યાદીમાંથી હટાવવામાં આવ્યું છે, તે પુરી રીતે પાયાવિહોણું છે. પંચે અગાઉ જ આ દાવાને ખોટો અને ભ્રામક ગણાવીને રદ કરી દીધો છે.