Delhi Car Blast: નેશનલ મેડિકલ કમીશને બ્લાસ્ટ કેસમાં ધરપકડ કરાયેલા ચાર ડોક્ટરોનું રજિસ્ટ્રેશન રદ કર્યું

દિલ્હી કાર બ્લાસ્ટ ઘટના બાદ મોટી કાર્યવાહી કરવામાં આવી છે. નેશનલ મેડિકલ કમીશને ચાર ડોક્ટરોના નામ IMR/NMR રજિસ્ટરમાંથી હટાવી દીધા છે. આ કાર્યવાહી UAPA હેઠળ નોંધવામાં આવેલી FIRના આધારે કરવામાં આવી છે.

UAPA હેઠળ ફરિયાદ નોંધી વધુ કાર્યવાહી

દિલ્હીમા લાલ કિલ્લા પાસે થયેલા કાર બ્લાસ્ટની તપાસમાં ચોંકવાનારો ખુલાસો થયો હતો. આ ઘટના પાછળ ચાર ડોક્ટરોનું એક મોડ્યુલ હોવાનું સામે આવ્યું હતું. બ્લાસ્ટમાં ઉપયોગમાં લેવાયેલી કારના ડ્રાઈવર ડોક્ટર મોહમ્મદ ઉમર સહિત ફરિદાબાદ આતંકી મોડ્યુલ સાથે જોડાયેલા ત્રણ ડોક્ટરોની પોલીસે ધરપકડ કરી છે. આ ડોક્ટરો સામે UAPA હેઠળ ફરિયાદ નોંધી વધુ કાર્યવાહી હાથ ધરાઈ છે.

નેશનલ મેડિકલ કમિશન દ્વારા પણ કાર્યવાહી

ત્યારે હવે નેશનલ મેડિકલ કમિશન દ્વારા પણ કાર્યવાહી શરૂ કરવામાં આવી છે. NMCએ ચારેય ડોક્ટરોના નામ IMR/NMR રજિસ્ટરમાંથી હટાવી દીધા છે. આ ડોક્ટરોમાં ડો. મુઝફ્ફર અહેમદ, આદિલ અહેમદ રાથર, મુઝમિલ શકિલ અને શાહિન સઈદનો સમાવેશ થાય છે. તેમનું મેડિકલ રજિસ્ટ્રેશન તાત્કાલિક અસરથી રદ કરવામાં આવ્યું છે. પોલીસની કાર્યવાહીમાં ડૉ. મુઝમ્મિલની ધરપકડ કરવામાં આવી હતી. મુઝમ્મિલ ફરીદાબાદની અલ ફલાહ યુનિવર્સિટીમાં પીસીસી ડોક્ટર છે. તે છેલ્લા સાડા ત્રણ વર્ષથી ત્યાં રહેતો હતો.તેની માહિતીના આધારે, ફરીદાબાદ પોલીસે એક સ્વિફ્ટ કાર જપ્ત કરી,જેમાં ત્રણ એસોલ્ટ રાઇફલ મેગેઝિન મળી આવ્યા હતા.