Delhi Rain: દિલ્હીમાં વરસાદી માહોલ, વાતાવરણમાં પ્રસરી ઠંડકની લહેર

હવામાન વિભાગે આજે દિલ્હીમાં વરસાદની આગાહી કરી છે. હવામાન વિભાગના જણાવ્યા અનુસાર દિલ્હીમાં વરસાદ શરૂ થયો છે. દિલ્હીમાં મહત્તમ તાપમાન 31 ડિગ્રીથી 35 ડિગ્રી સેલ્સિયસની વચ્ચે રહેવાની ધારણા છે. 18 જુલાઈ સુધી, પવનની ગતિ 20 થી 30 કિલોમીટર પ્રતિ કલાકની ઝડપે ફૂંકાઈ શકે છે. હવામાન વિભાગે બુધવારે સામાન્ય રીતે વાદળછાયું આકાશ અને ગાજવીજ સાથે હળવો વરસાદ થવાની આગાહી કરી છે.  

અન્ય રાજ્યોમાં કેવી છે વરસાદની સ્થિતિ? 

IMDની આગાહી મુજબ 21 જુલાઈએ જમ્મુ અને કાશ્મીર, હિમાચલ પ્રદેશ, ઉત્તરાખંડ, પૂર્વી ઉત્તર પ્રદેશ, પંજાબ, હરિયાણા, પશ્ચિમી ઉત્તર પ્રદેશમાં વિવિધ સ્થળોએ ભારે વરસાદની ચેતવણી આપવામાં આવી છે. 17 જુલાઈ સુધી રાજસ્થાનમાં ભારે વરસાદની શક્યતા છે. આ ઉપરાંત, 17 જુલાઈથી 21 જુલાઈ સુધી ઉત્તરાખંડમાં, 17 જુલાઈએ પૂર્વી ઉત્તર પ્રદેશમાં ખૂબ જ ભારે વરસાદની શક્યતા છે. હવામાન વિભાગ અનુસાર, આગામી 7 દિવસ સુધી પશ્ચિમી હિમાલય ક્ષેત્ર અને મેદાનોમાં ઘણી જગ્યાએ વાવાઝોડા અને વીજળી પડવાની સાથે હળવાથી મધ્યમ વરસાદની શક્યતા છે.

આ રાજ્યોમાં પડી શકે વરસાદ 

આજના હવામાન વિશે વાત કરીએ તો સ્કાયમેટ મુજબ, પશ્ચિમ બંગાળ, બિહારના કેટલાક ભાગો, ઝારખંડ, ઉત્તર છત્તીસગઢ, મધ્ય પ્રદેશ, ઉત્તર રાજસ્થાન, પંજાબના કેટલાક ભાગો, હરિયાણા, કોંકણ અને ગોવા, દરિયાકાંઠાના કર્ણાટક અને કેરળમાં હળવાથી મધ્યમ વરસાદ પડી શકે છે અને કેટલાક સ્થળોએ ભારે વરસાદ પડી શકે છે.

સિક્કિમ, ઉત્તરપૂર્વ ભારત, ઓડિશા, છત્તીસગઢ, ઉત્તર પ્રદેશ, ઉત્તર બિહાર, ઉત્તરાખંડ, હિમાચલ પ્રદેશ, જમ્મુ અને કાશ્મીર, લદ્દાખ, પૂર્વ રાજસ્થાન, ગુજરાત ક્ષેત્ર, મધ્ય મહારાષ્ટ્ર, વિદર્ભ અને આંદામાન અને નિકોબાર ટાપુઓના કેટલાક ભાગોમાં પણ હળવો વરસાદ પડી શકે છે. મરાઠવાડા, તેલંગાણા, આંધ્રપ્રદેશ, કર્ણાટકના આંતરિક ભાગો, તમિલનાડુ, પશ્ચિમ રાજસ્થાન અને સૌરાષ્ટ્ર અને કચ્છમાં પણ હળવો વરસાદ પડી શકે છે.