Indian Navy : દુશ્મનોની હવે ખેર નહીં... ભારતીય નેવીને મળ્યું પ્રથમ સ્વદેશી 3D સર્વિલાન્સ રડાર, જાણો તેની ખાસિયતો

ટાટા એડવાન્સ્ડ સિસ્ટમ્સ લિમિટેડે ભારતીય નૌકાદળને પ્રથમ સ્વદેશી 3D સર્વેલન્સ રડાર સોંપ્યું છે. TASLએ સ્પેનિશ ડિફેન્સ કંપની ઈન્દ્રા સાથે મળીને તેને બનાવ્યું છે. TASLએ જણાવ્યું કે 3D એર સર્વેલન્સ રડારના ઉત્પાદન સાથે તે આવું કરનારી પ્રથમ ભારતીય કંપની બની છે. TASLએ કહ્યું કે આ સિદ્ધિ આત્મનિર્ભર ભારત તરફ એક સીમાચિહ્નરૂપ છે.

ભારતીય નેવીની તાકાતમાં થશે વધારો

કંપનીએ જણાવ્યું હતું કે આ રડાર ભારતીય નૌકાદળના યુદ્ધ જહાજ પર સ્થાપિત કરવામાં આવ્યું છે. કંપનીએ જણાવ્યું હતું કે રડારને યુદ્ધ જહાજની તમામ સિસ્ટમો સાથે જોડવામાં આવ્યું છે. ભારતીય નૌકાદળ માટે આ પહેલું સ્વદેશી રડાર છે. આ રડાર નૌકાદળની દેખરેખ ક્ષમતાને મજબૂત બનાવશે. TASLના CEO અને મેનેજિંગ ડિરેક્ટર સુકરણ સિંહે જણાવ્યું હતું કે ઈન્દ્રા સાથેનો અમારો સહયોગ ભારતમાં રડાર ઉત્પાદન ક્ષમતાઓને મજબૂત કરવા માટેની અમારી સહિયારી પ્રતિબદ્ધતાને પ્રતિબિંબિત કરે છે.

તેમણે કહ્યું કે અમે અદ્યતન સંરક્ષણ ટેક્નોલોજી માટે એક મજબૂત ઈકોસિસ્ટમ બનાવી રહ્યા છીએ. તે જ સમયે, ઈન્દ્રાના નેવલ બિઝનેસ યુનિટના ચીફ એના બુએન્ડિયાએ જણાવ્યું હતું કે આ પ્રોજેક્ટ મોટી સંખ્યામાં જહાજો માટે રડાર સપ્લાય કરશે. તેમણે કહ્યું કે ટાટાની રડાર ફેક્ટરી કર્ણાટકમાં પહેલાથી જ સ્થાપિત છે, જે તેના સપ્લાયને વધુ વેગ આપશે.

શું ખાસ છે આ રડારની ખાસિયત?

1. ઈન્દ્રાનું 'લાન્ઝા-એન' સૌથી અદ્યતન લાંબા અંતરનું સર્વેલન્સ રડાર છે.
2. તે હવા અને સપાટી બંને લક્ષ્યોને 3Dમાં ટ્રેક કરે છે.
3. 'લાન્ઝા-એન' દુશ્મનના હુમલાઓને રોકવામાં માહેર છે.
4. તે ખરાબ હવામાનમાં પણ કામ કરે છે.
5. તેની રેન્જ 254 નોટિકલ માઈલ (લગભગ 470 કિમી) છે.