Darbhanga: PM મોદી વિશે અભદ્ર ટિપ્પણી કરનાર મોહમ્મદ રિઝવી ઝડપાયો

બિહારના દરભંગામાં પીએમ મોદી પર અભદ્ર ટિપ્પણી કરનારની ધરપકડ કરવામાં આવી છે. જ્યારે રાહુલ ગાઁધીની વોટર અધિકાર યાત્રા ગઇકાલે દરભંગા પહોંચી ત્યારે જાલે વિધાનસભા વિસ્તારમાં રાહુલ ગાંધીના સ્વાગત માટે એક સ્થાનિક નેતાએ સ્ટેજ તૈયાર કર્યો હતો. તેઓ પર આરોપ છે કે તે સ્ટેજ પરથી તેઓએ પીએમ મોદી વિશે અભદ્ર ટિપ્પણી કરી હતી. જેનો એક વીડિયો સોશિયલ મીડિયામાં વાયરલ થયો હતો. 

શું છે મામલો ? 

મહત્વનું છે કે  બિહારમાં વિધાનસભાની ચૂંટણી આવી રહી છે. રાહુલ ગાંધી અને તેજસ્વી યાદવ સહિત INDI ગઠબંધનના નેતાઓ મતદાર યાદી સુધારણા અભિયાનના મુદ્દા પર મતદાર અધિકાર યાત્રા કાઢી રહ્યા છે. આ યાત્રા બુધવારે દરભંગા પહોંચી હતી. આ દરમિયાન, જાલે વિધાનસભા ક્ષેત્રમાં રાહુલ ગાંધીના સ્વાગત માટે એક સ્થાનિક નેતા દ્વારા એક સ્ટેજ તૈયાર કરવામાં આવ્યો હતો. એવો આરોપ છે કે આ સ્ટેજ પરથી વડા પ્રધાન નરેન્દ્ર મોદી વિશે અપશબ્દો કહેવામાં આવ્યા હતા.  એવું કહેવામાં આવી રહ્યું છે કે આ સ્ટેજ કોઈ પાર્ટીનું સત્તાવાર સ્ટેજ નહોતું. તેના બદલે, કોંગ્રેસના ટિકિટના દાવેદાર મોહમ્મદ નૌશાદના સમર્થક મોહમ્મદ ફયાઝે સ્ટેજ બનાવ્યું હતું.

સીએમ યોગીએ વ્યક્ત કર્યો હતો રોષ 

વીડિયો સામે આવ્યા બાદ NDA અને ભાજપમાં ભારે ગુસ્સો જોવા મળી રહ્યો છે. CM યોગીએ X પર લખ્યું કે કોંગ્રેસ અને RJDના સ્ટેજ પરથી વડા પ્રધાન નરેન્દ્ર મોદી માટે જે અપશબ્દોનો ઉપયોગ કરવામાં આવ્યો છે તે અત્યંત નિંદનીય અને રાજકીય શિષ્ટાચારનું પતન છે. INDI ગઠબંધનના નેતાઓ દ્વારા કરવામાં આવેલું આ કૃત્ય માત્ર વડા પ્રધાનનું જ નહીં, પરંતુ ૧૪૦ કરોડ ભારતીયોની લાગણીઓનું પણ અપમાન છે.