Mukesh Ambani Visits Badrinath: પહેલા લાલ બાગ ચા રાજા અને હવે બદ્રીનાથ, મુકેશ અંબાણીએ એવી રીતે જોડ્યા હાથ કે...જુઓ Video

રિલાયન્સ ઇન્ડસ્ટ્રીઝના ચેરમેન મુકેશ અંબાણી આજે કેદારનાથ અને બદ્રીનાથ દર્શને પહોંચ્યા. હવે થોડા દિવસો બાદ ચારધામના કપાટ બંધ થઇ જવાના છે. ત્યારે મુકેશ અંબાણીએ કેદારનાથ અને બદ્રીનાથમાં દર્શન કરીને ધન્યતા અનુભવી છે. તેઓ આજે સ્પેશિયલ પ્લેનથી દહેરાદૂન એરપોર્ટ પહોંચ્યા હતા. દહેરાદૂન એરપોર્ટથી મુકેશ અંબાણી તથા તેમની સાથે આવેલા લોકોને બે હેલિકોપ્ટર દ્વારા બદરી-કેદારનાથના દર્શને લઇ જવાયા હતા. 

મુકેશ અંબાણીએ એવી રીતે જોડ્યા હાથ કે...

મુકેશ અંબાણીની દર્શન કરવાની જે રીત છે તે જોઇને આપણને વાયરલ વીડિયોની યાદ આવી જાય.  એ વાયરલ વીડિયો કે જ્યારે તેઓ મુંબઇના લાલ બાગ ચા રાજાના દર્શન કરવા ગયા હતા. તે વખતે તેઓ હાથ જોડીને બાપ્પાના આશીર્વાદ મેળવ્યા હતા તે દ્રશ્યો ઘણા વાયરલ થયા હતા. ત્યારે બદ્રીનાથમાં પણ આ જ પ્રકારે તેઓ હાથ જોડીને દર્શન કરતા જોવા મળ્યા છે. 

બધા લોકોની ભગવાનને પગ લાગવાની, દર્શન કરવાની અલગ અલગ રીત હોય છે. મુકેશ અંબાણીની પણ આ એક અલગ જ રીત છે. તેઓ જે રીતે હાથ જોડીને ભગવાનના દર્શન કરી રહ્યા છે તે જોઇને સોશિયલ મીડિયામાં લોકો અવનવી કમેન્ટ કરી રહ્યા છે. મુંબઇમાં ગણેશોત્સવ દરમિયાન પણ આજ રીતે તેઓ દર્શન કરતા જોવા મળ્યા હતા. તેનો વીડિયો વાયરલ થયો હતો. તેની પરથી ઘણા મિમ્સ અને રીલ બન્યા હતા.