વડાપ્રધાન નરેન્દ્ર મોદીએ શનિવારે સેશેલ્સને ભારતમાં નિર્મિત ફાસ્ટ પેટ્રોલ વેસલ (FPV) PS LESPWAR સોંપ્યું છે.તેમણે હિંદ મહાસાગર ક્ષેત્રમાં આ દેશની દરિયાઈ સુરક્ષાને મજબૂત કરવા અને પરસ્પર સંરક્ષણ સહયોગને વધુ ગાઢ બનાવવાના ભારતના સંકલ્પનો પુનરોચ્ચાર કર્યો હતો.પીએમ મોદીની સેશેલ્સની અધિકૃત મુલાકાતના પ્રથમ દિવસે વિક્ટોરિયામાં સેશેલ્સ કોસ્ટ ગાર્ડ બેઝ ખાતે આયોજિત સમારોહમાં સેશેલ્સના રાષ્ટ્રપતિ પેટ્રિક હર્મિનીને આ જહાજ સોંપવામાં આવ્યું હતું.ગોવા શિપયાર્ડ લિમિટેડ દ્વારા નિર્મિત આ ખાસ પેટ્રોલ વેસલ સેશેલ્સની દરિયાઈ દેખરેખ અને એક્સક્લુઝિવ ઇકોનોમિક ઝોન (EEZ) માં પેટ્રોલિંગ કરવાની ક્ષમતામાં નોંધપાત્ર વધારો કરશે.
પીએમ મોદીનું હિન્દ મહાસાગર પર ફોકસ
પીએમ મોદીએ 'X' પર એક પોસ્ટમાં કહ્યું, "સેશેલ્સ કોસ્ટ ગાર્ડને ફાસ્ટ પેટ્રોલ વેસલ 'લેસ્પવાર'સોંપવું એ સંરક્ષણ અને દરિયાઈ સુરક્ષાના ક્ષેત્રમાં ભારત અને સેશેલ્સ વચ્ચેની વધતી જતી ભાગીદારીમાં એક મહત્વપૂર્ણ સીમાચિહ્ન છે.તેમણે ઉમેર્યું, ચાલો આપણે સેશેલ્સ સાથે ખભે-ખભા મિલાવીને ઊભા રહેવાનો વિશ્વાસ રાખીએ. એક એવો ભાગીદાર જેના પર આપણે વિશ્વાસ કરી શકીએ, અને આપણી કાયમી મિત્રતાને ગાઢ બનાવવા તથા આપણી સામૂહિક દરિયાઈ ક્ષમતાને મજબૂત કરવા માટે સાથે મળીને કામ કરીએ.
