અયોધ્યાના રામ મંદિર ખાતે દાનના મેનેજમેન્ટને લઈને ચાલી રહેલી સ્પેશિયલ ઈન્વેસ્ટિગેશન ટીમ (SIT)ની તપાસ વચ્ચે ચંપત રાયના નજીકના સહયોગી માનવામાં આવતા રામ શંકર યાદવ ઉર્ફે ટીનૂ યાદવે પોતાના ઉપર લાગેલા તમામ આરોપોને સખત રીતે નકારી કાઢ્યા છે. તેમણે જણાવ્યું કે તેમના વિરુદ્ધ ફેલાવવામાં આવતા આરોપો સંપૂર્ણપણે મનઘડંત છે અને કેટલાક લોકો ઈર્ષ્યા તથા દુર્ભાવનાના કારણે આ પ્રકારની અફવાઓ ફેલાવી રહ્યા છે.
મારી આર્થિક સ્થિતિ અંગે શંકા કરવાની કોઈ જરૂર નથી: ટીનૂ યાદવ
ટીનૂ યાદવે વાતચીતમાં કહ્યું કે તેઓ 1983થી સંગઠન સાથે જોડાયેલા છે અને તેમની સંપત્તિ અંગે લગાવવામાં આવતા આરોપો ખોટા છે. તેમના જણાવ્યા મુજબ તેમનું ઘર અને અન્ય સંપત્તિઓ મંદિર નિર્માણ પહેલા જ ખરીદવામાં આવી હતી. તેમણે વધુમાં કહ્યું કે તેઓ હોસ્ટેલ પણ ચલાવે છે અને તેમની આર્થિક સ્થિતિ અંગે કોઈ શંકા કરવાની જરૂર નથી.
