ભારતના અવકાશયાત્રી શુભાંશુ શુક્લા એક્સિઓમ-4ના મિશન પર છે. ક્રૂએ ISS પર 230 સૂર્યોદય નિહાળ્યા છે. આ સમય દરમિયાન શુભાંશુએ અવકાશમાં લગભગ 1 કરોડ કિલોમીટર સુધીની મુસાફરી કરી છે. એક્સિઓમ-4 ક્રૂમાં શુભાંશુ શુક્લા, પેગી વ્હિટસન, સ્લેવોજ ઉઝનાન્સ્કી-વિસ્નીવસ્કી અને ટિબોર કાપુનો શામેલ છે, તેમણે પણ ISS પર તેમની છેલ્લી રજા ગાળી હતી. હવે તેઓ નાસા દ્વારા પૃથ્વી પર પાછા ફરવાની તારીખ જાહેર થાય તેની રાહ જોઈ રહ્યા છે.
એક્સિઓમ સ્પેસના એક નિવેદનમાં જણાવવામાં આવ્યું છે કે એક્સિઓમ મિશન 4ના ક્રૂએ પૃથ્વીની આસપાસ લગભગ 230 રાઉન્ડ પુરા કર્યા છે અને છ મિલિયન માઇલથી વધુ અંતરની મુસાફરી કરી છે. "પૃથ્વીથી લગભગ 250 માઇલ ઉપરથી ક્રૂએ તેમનો ફુરસતનો સમય ફોટા અને વિડિયો લેવામાં તેમજ પૃથ્વીનો નજારો જોવામાં વિતાવ્યો હતો.
