અમદાવાદમાં રેલવે ઈન્ફ્રાસ્ટ્રક્ચરના વિકાસ માટે મહત્વપૂર્ણ પ્રોજેક્ટને કેન્દ્ર સરકારની મંજૂરી મળી છે. આ પ્રોજેક્ટ હેઠળ અમદાવાદ-રતલામ રૂટ પર ઓપ્ટિકલ ફાઈબર લગાવવાનો નિર્ણય લેવામાં આવ્યો છે, જેના કારણે મુસાફરો માટે સુરક્ષા અને ડિજિટલ કનેક્ટિવિટી બંને વધશે. સમગ્ર પ્રોજેક્ટ માટે અંદાજિત ખર્ચ 398 કરોડ રૂપિયા છે.
ટ્રેનના સમયસર ચાલવા માટે રિયલ ટાઈમ માહિતી ઉપલબ્ધ થશે
પ્રોજેક્ટનો મુખ્ય હેતુ મુસાફરોની સુરક્ષા વધારવાનો અને ટ્રેન સેવા વધુ કાર્યક્ષમ બનાવવા માટે આધુનિક ટેક્નોલોજીનો ઉપયોગ કરવાનો છે. ઓપ્ટિકલ ફાઈબર ઈન્સ્ટોલેશન સાથે ટ્રેક પર સતત દેખરેખ રાખી શકાય તેવી વ્યવસ્થા થશે, તેમજ ટ્રેનના સમયસર ચાલવા માટે રિયલ ટાઈમ માહિતી ઉપલબ્ધ થશે. આ સાથે જ પલ્ટન, ટ્રેનો અને સ્ટેશનો પર 'કવચ' સિસ્ટમનું વિસ્તાર પણ કરવામાં આવશે, જે ટ્રેન અકસ્માતની સંભાવના ઘટાડવામાં મદદરૂપ થશે.
