વડાપ્રધાન નરેન્દ્ર મોદીએ બુધવારે વિશાખાપટ્ટનમમાં વર્ચ્યુઅલ રીતે શિલાન્યાસ કર્યો અને રૂ. 2 લાખ કરોડથી વધુના પ્રોજેક્ટનું ઉદ્ઘાટન કર્યું. તેમણે રેલ્વે ઝોનમાં પુડીમાડાકા અને અનાકાપલ્લે જિલ્લામાં એનટીપીસીના ઈન્ટિગ્રેટેડ ગ્રીન હાઈડ્રોજન હબનો શિલાન્યાસ કર્યો. PM મોદીએ રેલ અને રોડ ક્ષેત્રના વિવિધ પ્રોજેક્ટ રાષ્ટ્રને સમર્પિત કર્યા. આ પ્રસંગે આંધ્રપ્રદેશના મુખ્યમંત્રી એન ચંદ્રબાબુ નાયડુ અને નાયબ મુખ્યમંત્રી પવન કલ્યાણ પણ હાજર હતા.
2024માં સતત ત્રીજી વખત વડાપ્રધાન પદ સંભાળ્યા બાદ પીએમ મોદીની આ રાજ્યની પ્રથમ મુલાકાત હતી. આંધ્રપ્રદેશમાં ટીડીપી, ભાજપ અને જનસેનાના બનેલા એનડીએ ગઠબંધને કેન્દ્ર સરકાર બનાવવામાં મહત્વની ભૂમિકા ભજવી હતી. આ અવસર પર પીએમ મોદીએ કહ્યું કે આપણો આંધ્ર પ્રદેશ સંભાવનાઓ અને તકોનું રાજ્ય છે. જ્યારે આંધ્રની આ ક્ષમતાનો અહેસાસ થશે, ત્યારે આંધ્ર પણ વિકસિત થશે અને તો જ ભારત પણ એક વિકસિત રાષ્ટ્ર બનશે, તેથી આંધ્રનો વિકાસ એ આપણું વિઝન છે. આંધ્રની જનતાની સેવા, આ અમારો સંકલ્પ છે.તેમણે કહ્યું કે આંધ્ર પ્રદેશ તેની નવીન પ્રકૃતિને કારણે આઈટી અને ટેક્નોલોજીનું એક મોટું હબ છે. હવે સમય આવી ગયો છે કે, આંધ્રને નવી ભવિષ્યવાદી ટેકનોલોજીનું કેન્દ્ર બનવું જોઈએ.
