સ્વાતિ માલીવાલે એક્સ હેન્ડલ પર ટ્વિટ કરીને લખ્યું કે એક મર્યાદા પુરુષોત્તમ ભગવાન શ્રી રામ હતા, જેમણે મહેલ છોડીને 14 વર્ષ જંગલમાં વિતાવ્યા હતા. સ્ત્રીઓના સન્માન માટે રાવણ જેવા શક્તિશાળી રાક્ષસ સામે લડ્યા. આજકાલ જે લોકો પોતાની સરખામણી ભગવાન શ્રી રામ સાથે કરે છે તેઓ એક મહેલ છોડીને બીજા મહેલમાં રહેવા જાય છે. મહાત્યાગ ગણાવીને એક મહેલ છોડીને દૂર બીજા મહેલમાં રહેવા જાય છે. માયાની પાછળ આદર્શ ભૂલી જાય છે. નારી પર વાર કરનારા લોકોને બચાવે છે. અને તેઓ આમા જ શાંતિ મેળવે છે. હે રામ.
કેજરીવાલ ક્યાં રહેવા ગયા ?
કેજરીવાલ જ્યાં રહેશે તે બંગલો ફિરોઝશાહ રોડ પર મંડી હાઉસ પાસે છે અને તે પંજાબના રાજ્યસભા સાંસદ અશોક મિત્તલનું સત્તાવાર નિવાસસ્થાન છે. આ બંગલો આમ આદમી પાર્ટીના મુખ્યાલયની ખૂબ નજીક છે. હવે કેજરીવાલ તેમના પરિવાર સાથે આ બંગલામાં રહેશે.
મનીષ સિસોદિયા ક્યાં રહેશે ?
ઉલ્લેખનીય છે કે ગુરુવારે પૂર્વ ઉપમુખ્યમંત્રી મનીષ સિસોદિયા પણ રાજેન્દ્ર પ્રસાદ રોડ પર સ્થિત બંગલામાં શિફ્ટ થયા હતા. પાર્ટીના નેતાઓએ કહ્યું કે આ ઘર AAPના રાજ્યસભા સાંસદ હરભજન સિંહનું સત્તાવાર નિવાસસ્થાન છે. કેજરીવાલને ઉત્તર દિલ્હીની સિવિલ લાઇન્સમાં 6, ફ્લેગસ્ટાફ રોડ છોડવાનો નિર્ણય કર્યા પછી સાંસદો, ધારાસભ્યો અને કાઉન્સિલરો સહિત પક્ષના કેટલાક નેતાઓએ તેમના ઘરની ઓફર કરી હતી.
આપ સાંસદ મિત્તલે શું કહ્યું ?
એક વીડિયો સંદેશમાં AAP સાંસદ મિત્તલે કહ્યું કે તેઓ એ જાણીને ખુશ છે કે કેજરીવાલે તેમનું ઘર પસંદ કર્યું છે. તેમણે કહ્યું કે જ્યારે કેજરીવાલે મુખ્યમંત્રી પદ પરથી રાજીનામું આપ્યું ત્યારે મને ખબર પડી કે તેમની પાસે રહેવા માટે કોઈ જગ્યા નથી. મેં તેમને મારા દિલ્હી નિવાસસ્થાને મારા મહેમાન બનવા આમંત્રણ આપ્યું અને મને ખૂબ આનંદ થયો કે તેમણે મારી વિનંતી સ્વીકારી.
