TMC સાંસદ મહુઆ મોઇત્રાએ કર્યા લગ્ન, આ દિગ્ગજ નેતા સાથે લીધા સાતફેરા

ટીએમસી સાંસદ મહુઆ મોઇત્રાએ લગ્ન કરી લીધા હોવાનું સામે આવ્યું છે. તેઓના લગ્નની એક તસવીર વાયરલ થઇ છે. મળતી માહિતી મુજબ તેમણે જર્મનીમાં લગ્ન કર્યા. આરજેડીના નેતા પિનાકી મિશ્રા સાથે મહુઆ મોઇત્રાએ લગ્ન કર્યા. 

ક્યારે કર્યા લગ્ન ? 

TMC સાંસદે 3 મેના રોજ પિનાકી મિશ્રા સાથે લગ્ન કર્યા. પિનાકી મિશ્રા બીજુ જનતા દળના 4વાર સાંસદ રહી ચૂક્યા છે. પહેલીવાર તેઓ 1996માં સાસંદ તરીકે ચૂંટાયા હતા. જેઓ 2009થી 2019 સુધી રહ્યા. મહુઆ મોઇત્રા અને પિનાકી મિશ્રાની વાયરલ તસવીરમાં બંને હાથ પકડેલા જોવા મળે છે. આ દરમિયા મહુઆએ ગોલ્ડ અને લાઇટ પિંક રંગની સાડી પહેરી છે. જો કે બંનેએ લગ્નને લઇને કોઇ સત્તાવાર નિવેદન આપ્યું નથી.

ટીએમસીના તેજ અને દમદાર ભાષણો આપવામાં લોકપ્રિય મહુઆ મોઇત્રા બંગાળના કૃષ્ણનગરથી બે વખત સાંસદ રહ્યા છે. તેઓ પહેલીવાર 2019માં સાંસદ તરીકે ચૂંટાયા હતા. મહુઆ પૂર્વ ઇન્વેસ્ટમેન્ટ બેંકર છે.

કોણ છે મહુઆ મોઇત્રા ? 

મહુઆ મોઇત્રાનો જન્મ 12 ઓક્ટોબર 1974માં આસામમાં થયો છે. તેઓ સાંસદ ઉપરાંત અર્થશાસ્ત્રી તરીકેની પણ ઓળખ ધરાવે છે. અમેરિકાની મૈસાચુસેટ્સથી તેઓ ભણ્યા છે. તેમેણે 1998માં માઉન્ટ હોલોકે કોલેજ સાઉથ હૈડલીથી અર્થશાસ્ત્ર અને ગણિતમાં સ્નાતકની ડિગ્રી મેળવી છે. રાજનીતિમાં આવતા પહેલા તેઓ બેંકર હતી. તેમણે 2009માં રાજનીતિમાં પ્રવેશ કર્યો અને લંડનમાં જેપી મોર્ગન ચેસમાં ઉપાધ્યક્ષનું પદ છોડી દીધુ.