West Bengal: કલકત્તા હાઈકોર્ટનો મોટો નિર્ણય, 2010 બાદના તમામ OBC પ્રમાણપત્રો રદ

• OBC પ્રમાણપત્રોને લઇ કલકત્તા હાઈકોર્ટનો આદેશ
  
• 2010 બાદના તમામ OBC પ્રમાણપત્રો રદ 
• 2010 પહેલાના OBC પ્રમાણપત્રો માન્ય રહેશે: HC

કલકત્તા હાઈકોર્ટે આજે મોટો નિર્ણય સંભળાવ્યો છે. કોર્ટે 2010 પછી બનાવેલા તમામ OBC પ્રમાણપત્રો રદ કરી દીધા છે. જો કે, 2010 પહેલાના OBC પ્રમાણપત્રો માન્ય રહેશે.

કલકત્તા હાઈકોર્ટે 2010 પછી બનાવેલી તમામ OBC યાદીઓ રદ કરી દીધી છે. જેના કારણે લગભગ 5 લાખ OBC પ્રમાણપત્રો રદ થવા જઈ રહ્યા છે. જેના કારણે બંગાળ સરકારને મોટો ફટકો પડ્યો છે. જો કે, 2010 પહેલા જાહેર કરાયેલ OBC કેટેગરીના વ્યક્તિઓના પ્રમાણપત્રો માન્ય છે. 2010 પહેલા OBC કેટેગરી તરીકે જાહેર કરાયેલા જૂથો માન્ય રહેશે. જસ્ટિસ તપોબ્રત ચક્રવર્તી અને જસ્ટિસ રાજા શેખર મંથાની ડિવિઝન બેન્ચે આજે આ આદેશ આપ્યો હતો.

આ OBC પ્રમાણપત્રના આધારે ઘણા લોકોને નોકરી મળી છે. તો હવે સવાલ એ છે કે, તેમની નોકરીનું ભવિષ્ય શું હશે? આ પ્રશ્નનો જવાબ આપતાં કલકત્તા હાઈકોર્ટે કહ્યું કે 2010 પછી જેમને OBC અનામતને કારણે નોકરી મળી છે અથવા તો ભરતી પ્રક્રિયા ચાલી રહી છે, તેમની નોકરી યથાવત રહેશે. નવા આદેશમાં કોર્ટે કહ્યું છે કે પશ્ચિમ બંગાળ પછાત વર્ગ આયોગ અધિનિયમ 1993 મુજબ ઓબીસીની નવી યાદી તૈયાર કરવી પડશે. સૂચિને અંતિમ મંજૂરી માટે વિધાનસભામાં રજૂ કરવી આવશ્યક છે.