- લોયર, બેરિસ્ટર અને એડવોકેટ, ત્રણેય કાનૂની વ્યવસાય સાથે સંકળાયેલા છે
- લોયર, બેરિસ્ટર અને એડવોકેટ વચ્ચે ઘણા મોટા તફાવત છે
- લોયર, બેરિસ્ટર અને એડવોકેટ વચ્ચેના મુખ્ય તફાવતો સમજાવીએ
સામાન્ય જીવનમાં તમે એડવોકેટ કે લોયર શબ્દ ઘણી વાર સાંભળો છો. પરંતુ બેરિસ્ટર શબ્દ ભારતમાં સરળતાથી સંભળાતો નથી. પરંતુ આ શબ્દો ફિલ્મોમાં બહુ સાંભળવા મળે છે. તો તમને જણાવી દઈએ કે આ ત્રણેય વચ્ચેનો તફાવત શું છે. લોયર, બેરિસ્ટર અને એડવોકેટ, ત્રણેય કાનૂની વ્યવસાય સાથે સંકળાયેલા છે, પરંતુ તેમના કાર્યક્ષેત્ર, તાલીમ અને અધિકારોમાં કેટલાક મોટા તફાવત છે.
આ તફાવતો અલગ અલગ લીગલ સિસ્ટમ અને દેશો અનુસાર અલગ અલગ શકે છે. ઉદાહરણ તરીકે, ભારત, યુકે અને અન્ય દેશોની લીગલ સિસ્ટમમાં તેની વ્યાખ્યાઓ અને ભૂમિકાઓમાં વિવિધતા જોવા મળે છે. તમને જણાવી દઈએ કે તેમની વચ્ચેના મુખ્ય તફાવતો શું છે.
પહેલા લોયરનો રોલ સમજો
લોયર એ વ્યાપક શબ્દ છે. તેનો ઉપયોગ તે વ્યક્તિઓ માટે કરવામાં આવે છે, જે કાયદાનો અભ્યાસ કરે છે અને કાનૂની વ્યવસાયમાં હોય છે. કોઈપણ વ્યક્તિ જેણે લોનો અભ્યાસ કર્યો છે અને કાયદાકીય ક્ષેત્રમાં કામ કરી રહી છે તેને લોયર કહી શકાય. તમને જણાવી દઈએ કે લોયરની સિરીઝમાં, એડવોકેટ, બેરિસ્ટર, સોલિસિટર અને લીગલ કન્સલ્ટન્ટ બધા જ આવે છે.
વકીલના કામ વિશે વાત કરીએ તો, તેમાં કાનૂની સલાહ આપવી, કેસની તૈયારી કરવી, દસ્તાવેજોનો મુસદ્દો તૈયાર કરવો અને ક્યારેક-ક્યારેક અદાલતમાં પ્રતિનિધિત્વ કરવી વગેરેનો સમાવેશ થાય છે. ભારત જેવા દેશમાં, લોયરનો અર્થ સામાન્ય રીતે તે તમામ વ્યક્તિઓ કે જેઓ કાયદાકીય બાબતો સાથે સંબંધિત કામ કરે છે, પછી ભલે તે અદાલતમાં હોય કે અદાલતની બહાર.
બેરિસ્ટરનો રોલ સમજો
બેરિસ્ટર એવી વ્યક્તિ છે જે મુખ્યત્વે અદાલતમાં મુકદ્દમા અને કાનૂની દલીલોમાં એક્સપર્ટ હોય છે. બ્રિટન, ઓસ્ટ્રેલિયા અને કેટલાક અન્ય દેશોમાં, બેરિસ્ટરોને કોર્ટમાં હાજર રહેવાનો અને ન્યાયાધીશ સમક્ષ દલીલ કરવાનો વિશેષ અધિકાર છે. તમને જણાવી દઈએ કે, બેરિસ્ટર બનવા માટે વ્યક્તિને વિશેષ ટ્રેનિંગ અને લાયકાતની જરૂર હોય છે. બ્રિટનમાં, બેરિસ્ટર બનવા માટે "ઈન્સ ઓફ કોર્ટ"માંથી એકનું સભ્ય બનવું પડે છે અને બારની પરીક્ષા પાસ કરવી જરૂરી છે.
એડવોકેટ વિશે જાણો
એડવોકેટ એ એક વિશેષ પ્રકારનો લોયર છે, જે અદાલતમાં પક્ષકારનું પ્રતિનિધિત્વ કરે છે. ભારતમાં, એડવોકેટ એવી વ્યક્તિ છે જેને બાર કાઉન્સિલ ઓફ ઈન્ડિયા દ્વારા માન્યતા આપવામાં આવે છે જેને કોર્ટમાં હાજર રહેવાનો અને દાવો કરવાનો અધિકાર છે. એડવોકેટને કાયદાકીય પ્રક્રિયામાં સંપૂર્ણ ટ્રેનિંગ અને એકિસપરિયન્સ હોય છે અને તેઓ તેમના ક્લાઈન્ટ સાથે સીધો સંપર્ક કરી શકે છે. એડવોકેટને પણ અલગ અલગ કેટેગરીઓમાં વિભાજિત કરી શકાય છે, જેમ કે સીનિયર એડવોકેટ અને જુનિયર એડવોકેટ. સીનિયર એડવોકેટને તેમના અનુભવ અને કાયદાકીય ક્ષેત્રમાં કરેલા મહાન કાર્યના આધારે વિશેષ દરજ્જો આપવામાં આવે છે.
